السلام عليكم ورحمه الله وبركاته
كنت بدور علي طريقه عمل البطاطس الفريسكس ديه من زمان
ولسه لاقياها
وبما اني جربتها امبارح وطلعت تحفه
قلت اقولهالكوا
المقادير :
بطاطسايه كبيره هنقطعها صوابع رفيعه
كوبايه دقيق
فلفل وملح
معلقتين صغيرين بيكنج بودر
تلات معالق صغيرين فلفل احمر وده موجود عن اي عطار
الطريقه :
هنجيب الدقيق والملح والفلفل والبيكنج بودر والفلفل الاحمر
وهنحط عليهم مايه شويه بشويه مع التقليب
لحد ما تتكون عجينه متماسكه يعني بين عجينه الكيكه وعجينه البيتزا
لا ناشفه قوي ولا سايبه قوي بحيت انها تلزق علي البطاطس
وبعدين نحطها علي البطاطس ونقلبهم في بعض كويس لحد ما كل البطاطس
يبقي عليها الخلطه ديه من بره
ونسيبها نص ساعه
ونقلي البطاطس عادي خالص
بس بعد ما الزيت يسخن في الاول ونحط البطاطس نبقي نهدي
شويه عليها علشان البطاطس تستوي من جوه من غير ما تكون الخلطه من بره لونها بقه غامق قوي
وبالهنا والشفا
مواضيع هذا القسم برعاية
maryam ahmed maryam ahmed فتكات متميزة Fatakat 205637 الاسكندريه – مصر