صباح الخير يا فتوكات ازيكم ؟
اولا رمضان كريم وربنا يجعله شهر مبارك عليكم .
مش عارفة اذا في حد طرح الفكرة دي من قبل في المدونة ، وعارفة ان في اكيد ناس تطبقها بس قلت افيد اخواتي اللي مش بيعرفوها او ما جاش في بالهم .
طبعا كلنا عارفين ان احسن اكل في الدنيا الخضار كله فيتامينات وفوائد . بس المشكلة بقه ايه ، ان الخضار بتتلف وتتغير بسرعة خاصة بالصيف فنضطر نشتري كميات محددة وكل كام يوم ننزل ونتبهدل عشان نشتري غيرها ، ده غير المساحة اللي بتاخدها بالتلاجة والجهد والتعب في التقطيع خاصة للموظفات والامهات .
حقولكم طريقتي في حفظ الخضار بالفريزر واستخدامها في اي وقت احتاجها انا بعملها كلها مكس مع بعض في كيسة ، وانتي ممكن تعمليها كل وحده منفصلة في اكياس او تعملي الطريقتين يعني كمية مكس للاكلات اللي هتعملي فيها خضار زي شوربة الخضار او مرقة الخضار باللحوم او فراخ مشوية بالخضار ، وكمية تانية منفصلة :
اولا جيبي الخضار اللي تحبيها ( الا الطماطم والبطاطس والخضروات الورقية ) والكمية تعتمد على استخدامك والمدة اللي عاوزه تحتفظي بيها ومساحة التخزين في الفريزر يعني ممكن تخزني كمية حلوة لمدة شهرين .
الخضار زي :
– بتنجان
-جزر
– فليفلة
– فاصوليا طويلة
-بازلا
– قرنبيط
– باميا
-كوسا
– بصل أخضر
-بروكلي
– خضروات أخرى يمكن نسيت اذكرها او انتي تحبيها .
اغسلي الخضار دي كلها بعدين قشري اللي محتاجة تقشير زي الكوسا والجزر ، قطعي الخضار لمكعبات او قطع صغيره وحطيها كلها في كيس واحد نظيف والاحسن يكون الكيس الشفاف زي اكياس الخضار اللي في السوبر ماركت . وحطيها بالفريزر ،طبعا لما تكوني عايزة تستخدميها هتكون متجمدة فأسهل طريقة لفصلها انك تضربيها شويه بطاولة المطبخ او بحاجة وهتشوفي الخضار تتفك لوحدها .
شوفتو ازاي سهلة وبسيط ومش هتاخد منك ساعة اواكتر شوية بس هتوفر عليك فلوس ووقت .
كل اللي طلباه منكم دعوة حلوة وتدعولي في شهر رمضان ان ربنا يرزقني انا وجوزي بالذرية الصالحة المعافاة الجميلة عاجلا غير اجل يا رب وميجيش العيد الا وانا حامل يا رب . مواضيع هذا القسم برعاية
نور الايمان2015 نور الايمان2015 فتكات متميزة Fatakat 876791 ارض الله الواسعة – ارض الله الواسعة