السلام عليكم
ازيكم يا بنات يا قمرات ؟؟؟؟؟
هدخل في الموضوع على طول :
أنا كنت قرأت كتير عن فوائد فول الصويا وبالأخص في زيادة أو في تنظيم هرمونات الأنوثة
أييييييييوة هرمونات الأنوثة ودي حاجة مهمة جدا طبعا ، يعني أحسن من الخلطات والزيوت والعك وتعب القلب يا بنات
ومن الحاجات مثلا اللي قرأتها في المجال ده موضوع الأخت ( صلي على النبي ) https://fatakat.univanet.com/#445531
المهم بأى ما أطولش عليكم ، رحت اشتريت تمن كيلوا من عند العطار قلت أجربه الأول ، وبصراحة كنت قرفانة موووووووت ، ازاي ازاي بس هقبل إني أعصره وأعمل منه حليب وأشربه ؟
وكمان سمعت إن طعمه وحش ،
لكن قلت أمري لله ، أعصر على نفسي كم ليمونة ولازم أشربه عشان عشان اممممم، عشان خاطر عيون هرمونات الأنوثه وبالأخص إن باقي لي كم شهر على فرحي .
المهم بأه نقعته حوالي 3 أيام ، وخلاااااااص كنت هعصره في الخلاط وأكمل طريقة حليب الصويا ، لكن لقيت نفسي قرفانة جدا ، ومتأكدة إني مش هقدر أشربه ، وبعدين قلت أسويه ع النار الأول وبعدين نشوف هنتصرف فيه ازاي ،
بعد ما سويته ع النار لقيته زي الترمس كده أو حمص الشام ، لكن بردو طعمه مش حلو زيهم بس أهو، قلت أبلعه بالماء زي الحبوب .
عملت كده كم مرة ولقيت نفسي قرفانة بردو ،
والآخر توصلت لإني أحط شوية منه في طبق ، وأحط عليه شطة وكمون وليمون ، وفعلا لقيت طعمه مستساغ وجمييييييييييييييل جدا ، والظاهرر الموضوع أصبح عندي ادمان ، أصل طعمه بأى جميل جدا زي الترمس.
هختصر لكم الطريقة بأه في خطوات :
1- اشتري تمن كيلو أو ربع كيلو فول صويا ( التمن ب 2 جنيه تقريبا )
2-انقعيه في ماء عادي 3 أيام ( لكن لازم تغيري له له الماء كل يوم )
3- سويه في ماء بملح على النار ، زي الترمس كده.
4-أفرغيه بما تبقى من الماء في اناء ، وقطعي عليه قرن من الشطة الحارة.
5- ضعيه في الثلاجة .
وبعد كده بأه تاخدي منه كل يوم وتعصري على اللي هتاخديه ليمون وتحطي كمون وتاكليه زي الترمس بالهنا والشفا.
يارب طريقتي تعجبكمأحبكم في الله
gardenia111 gardenia111 188099_5.gif فتكات رائعة Fatakat 188099 كفر الشيخ – مصر