ازيكم يا قمرات ياااااااارب تكونوا بخير ومتجمعين دايما على فتكات
صحبة فى الخير ومتحابين فى الله
النهاردة ان شاء الله
معايا طريقتى فى عمل
البريانى الهندى
وانا عارفة انها متواضعة مش هاتكون طبعا
زى الفتوكات هنا اكيد اشطر منى بكتير
لانى لسه جديدة فى المطبخ بلا فخر
عاوزة بقى تشجيع جامد يهز المدونة
فرخة كاملة من غير جلد ومقطعة 4 قطع
وتدعكيها بالخل والملح
3 بصلات متوسطة
4 كوب زبادى
ملح – خل – فلفل اسود
جنزبيل فريش مبشور او بودر
بهارات مشكلة – كركم – فلفل احمر
ثوم مفروم – قرفة – زعفران وممكن تستغنى عنه
نعناع – كزبرة خضرا ومش عاوزة بقدونس
لانه مش هايدينى النكهة اللى عاوزاها
النعناع والكزبرة مهميييييييين جدا
كوب ونصف ارز بسمتى مغسول ومنقوع
اول حاجة تجهزى البصل وتقشريه وتغسليه
وتقطعيه شرايح رفيعة وتقليه فى زيت غزييير
مع التقليب المستمر لحد ما يكون لونه فاتح مش غامق
بنى فاتح
واول مايكون لونه بنى فاتح هاتطلعيه وتحطيه على
ورق او مناديل
وتفركيه عن بعضه علشان يتصفى من الزيت ويكون مفلفل
الفرخة طبعا سايباه فى الملح والخل من الاول هاتشطفيها
وتشيلى منها اى دهون وحطيها فى الحلة اللى هاتطبخى فيها
نيجى بقى لسر الطبخة وهو البصل المقلى
هاتجيبى نص كمية البصل المقلى بعد مانشف
وبرد وهاتحطيه فى المطحنة واطحنيه بقى يا قمر
شوفى اد ايه بقى ناعم والكمية قلت خالص
بقت حوالى معلقة كبيرة بس
هاتحطي البصل المطحون مع 2 علبة زبادى
على الفرخة فى الحلة والصور اهى
هنا الزبادى والبصل المطحون على الفرخة
وعليهم الجنزبيل البودر ولو كان فريش هاتبشريه على الفرخة
وهاتحطى عليهم شوية بهارات مشكلة وكركم
وفلفل احمر وتوم مفروم
وافرمي شوية كزبرة خضره ونعناع اخضر
مهمين جدا علشان النكهة
وبعدين تقلبى كويس جداااااا لحد ما يتجانسوا
وماتحطيش ميه خالص
لان الفراخ هاتنزل مايتها وكمان مع التقليب
الزبادى هايكون زى الميه
طبعا لو حطيتى ميه هاتكون زى العجينة
واحنا مش عاوزين كدة تماااااااام
وتحطيها على نار عالية واول ماتغلى توطى عليها
وتسبيها تقريبا ساعة وتقلبى كل ربع ساعة
تقريبا وهاتلاقى الزبادى بقى سائل
ماتقلقيش مش هاتنشف منك
ماتنسوش تقيمونى يا قمرات
وتابعونى اكيد
مواضيع هذا القسم برعاية
marmar87 marmar87 134985_4.gif امبراطورة فتكات Fatakat 134985 مدينة نصر – ام الدنيا مصر ربنا يصلح حالها يااااااااا رب