والصلاه والسلام على اشرف المرسلين سيدنا محمد وعلى اله وصحبه وسلم
دى طريقتى المعتمده للفراخ المشويه
دايما بعملها كده
وكل اللى يدوقها تعجبه قوى قلت اوريهالكم انهرده طبعا كتيير بيعملوها بنفس الطريقه
بس يمكن فى حد مبتدىء يمكن يكون لسه ميعرفهاش
دى المقادير فرخه و2طماطم بصله فلفل اخضر
توابل جنزبيل ملح فلفل سماق كارى باربيكا
صويا صوص ومسطرده وكاتتشب و2معلقه عسل اسود
وليمون بس انا مش كان عندى كنت مخزنه مكعبات ليمون فى الفريزر طلعت مكعب منها
كله مع بعضه فى الكبه واضربهم لحد ما ينعموا
اجيب الفرخه واحط تحت الجلد من الخلطه واغطى الفرخه كلها بالشكل ده
وبعدين جبت بصله جوانح وطماطم وعليهم ملح وفلفل وحشيت بيها قلب الفرخه
وبعد كده شيلت الفرخه فى التلاجه لتانى يوم
وده تانى يوم
حطيتها فى الحامل بتاع الفراخ وتحتها الصينيه بالشكل ده
شيلت الشبكه اللى فى الفرن وحطيت الفرخه ومليت الصينيه ميا من باقى التتبيله
وسيبتها ساعه وربع على درجه 240
بس وبعد كده خرجتها بس كنت مستعجله فخرجتها وهى سخنه مولعه فاتبهدلت منى الصراحه
طبعا لو صبرت عليها تستهدى شويه كان شكلها يبقى احلى من كده
بس كده يارب تعجبكم مواضيع هذا القسم برعاية
NOURAN2016 NOURAN2016 فتكات حبوبة Fatakat 339694 الاسكندريه – مصر