السلام عليكم يا فتوكات يا عسلات
انا قريت فى المدونة طرق كتير عن تخزين التوم ولقيت ان الاغلبيه بقولا بعد ما يتفرم التوم بيحطو زيت على الوش وبيفرمو معاه ملح لكن انا طريقتى اسهل من كده كتير
بس قبل ما اقول تدعو ربنا يهدينى ويفرج همى وهم جوزى ويرزقنا الحلال الطيب
خلاص هقوووووووووووووول اهو
بصوا يا كتاكيت انا السنه اللى فاتت يوم شم النسيم اشتريت 5 كيلو توم وكان ب 3 جنيه
المهم شيلت القشره الخارجيه وقطعت الراس وجرى على الكبه فرمت كل الكميه تمام كده وجبت ربع كيلو اكياس بيضه بتاعت السندوتشات وابتديت احط التوم بس بكميات قليله يعنى حوالى تلت الكيس وبعديين ببططها بايدى عشان تكون رفيعه وسهله فى الاستخدام لما اجى استعملها اكسر حته واقفل الكيس والله التوم طعمه ماتغير من السنه اللى فاتت لحد هذا التاريخ يكفى انى ما قشرتش فص توم من سنه ومستنيه التوم يرخص عشان اعمل تانى
يارب اكون افدتكم ولاتنسونى بصالح الدعوات
اللى مش فاهمه حاجه تسألنى وهجوبها على طوووووووووول مواضيع هذا القسم برعاية
دعاء حسن دعاء حسن 61964_6.gif فتكات هايلة Fatakat 61964 القاهرة – مصر