ازيكم يافتكوات ياحلوات
جيبالكم النهاردة طريقة عمل صينية الكوسة بالشبت في الفرن واللة جميلة جدا وانا لسة عملاها النهاردة وكانت رائعة دلوقتي هقولكم على المقادير بس هي على حسب ماتحبي يعني كل واحدة تعمل الكمية الي عايزاها
المقادير
كوسة مقطعة حلقات
طماطم -بصل -ثوم –
لحمة وتكون مسلوقة نص سليق
ملح وفلفل وكسبرة ناشفة وخضراء
ربطة شبت
الطريقة اولا هنغسل الكوسة كويس اوي ثم نقطعها حلقات مدورة نجيب صينية الفرن ونقطع فيها البصل ونحمرة بشوية زيت ولما يذبل البصل نضع علية الثوم المفروم ثم نضع علية الكوسة المقطعة ونتركها الى ان تنزل الكوسة مايتها مع التقليب كل شوية عشان الكوسة ماتلزقش في الصينية وبعدين نضرب الطماطم في الخلاط ونضيفها على الكوسة ونسبها تتسبك ثم نضع الملح والفلفل والكسبرة الناشفة ونغطي الصينية وبعدين لما تتسبك الطماطم الي على الكوسة نضع عليها شوربة اللحمة المسلوقة والحمة ونقطع الشبت والكسبرة الخضراء ونضعهم عليها ثم نغطي الصينية ونتركها الى ان تستوي في الفرن بعد اكتمال نضجها نضعها في الفرن من فوق عشان نحمر وجهها
ممكن بدل مانضع الحمة المسلوقة على الكوسة نضع لحمة مفرومة معصجة
وبالهنا والشفاء
وكلو ودعولي ارجوكم مواضيع هذا القسم برعاية
دندونة زايد دندونة زايد 133577_1.gif فتكات نشيطة Fatakat 133577 الزقازيق – مصر ام الدنيا
سبحان الله و بحمده