ازيكم يا احلى فتوكات
وحشتونى وبحبكم كلكم فى الله
انا عملت صينية قراميط من فترة قلت اقلكم عليها
انا عارفة ان فى ناس مش بتحب سمك القراميط
وانا كنت منهم بالامانة لاكن ولله الحمد دلوقتى بموت فية
هقلكم على المقاديروالطريقة
1/2 1واحد ونصف كيلو قراميط طازة
وتنضفيها وتشيلى من عليها الجلد الاسمر
يعنى تسلخيها
وكمان راس قراميط لو تحبوها ننضفها كويس جدا ونشيل
ما بداخل الرأس ونكحت الراس بالسكينة
وكمان حبة بطاطس كبيرة
وتقطعيها شرائح متوسطة
واحدة بصل كبيرة مبشورة ناعم
ونتبلها كويس بالفلفل والملح وندعكهابادينا لحد ما ينزل
منها المية بتاعتها
ودى علشان نحشى بيها الرأس
وبعدين نجيب بصلة متوسطة ونفرمها ناعم ونحمرها
فى شوية زيت
ونشوح معاها البطاطس
ونكون مجهزين الطماطم معصورة
ونحطها على البطاطس
ونظبط الملح والفلفل ونسيبها لما تتسبك والبطاطس
تستوى شوية
فى الوقت دة نكون قلينا سمك القراميط
وكمان الرأس نشوحها على الجانبين فى الزيت
بعد ما نكون ملينا قلبها بالبصل المتبل
ودلوقتى بقة نجيب صينية فرن ونحط فيها شوية من البطاطس
من تحت وبعدين القراميط وراسها وبعدين باقى البطاطس والطماطم
وندخلها بقى الفرن
ونسيبها لما تحمر وبعدين نخرجها
ودى بعد ما خرجت من الفرن
ودلوقتى ع التقديم
اية رأيكم
وقدمت معاها رز بالشعرية
وجرجير وسلطة وكمان ممكن سلطة طحينة
يارب طريقتى تعجبكم
ولوعجبتكم متنسوش التقييم
فى رعاية الله وحفظة مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة