فتوكاتى الاعزاء
السلام عليكم ورحمة الله
انا عملت اكله جميله بصى يا فتوكه
المقادير
ربع ك عدس
نصف ارز
بصله كبيره
ربع كيس مكرونه اسباكتى
انا جبت العدس والارز غسلتهم طبعا بعد منقتهم وبعدين جبت حله حمرت فيها بصله وبعدين طلعتها من الحله وجبت المكرونه الاسباكتى قطعتها قطع صغيره وحمرتها فى نفس الحله وبعد كده ضفت العدس والارز و البصله المحمره وقلبتهم وضفت الميه ثم الملح وبعد ما اتشرب وطيت عليه وكان طعمه جميل ممكن يقدم معاه صوص طماطم
طريقة
عدد2 طماطم يضرب فى الخلاط ونجيب حله صغيره نضع فيها معلقتين زيت وفصين ثوم طبعا مفرومين ولما تحمر نحط الطماطم وقليل من الميه ونحط ( ملح _فلفل_كمون_شطه) ولما تغلى خمس دقايق اطفى عليها وقدميها جنب الكشرى وبالهنا مواضيع هذا القسم برعاية
ميرو ام ياسين ميرو ام ياسين فتكات نشيطة Fatakat 464732 الاسماعيليه – مصر