السلام عليكم يا أحلى فتوكات فى الدنيا
عشان أنا بحبه قوى الكسكى وبحب أكله على طول بحثت ودورت على طرق لعمايله وجربت وسمت بالله وبدأت أجرب عمايله ولقينه سهل ومش بيخد وقت ولا جهد كتير
1كيلو دقيق —— ملعقة ملح ———– نصف كوب لبن حليب ممكن بدل اللبن ميه
نجيب اللبن ونضعه على الدقيق و نرش عليه الملح بنحط اللبن على مرات زى الرزاز كدة ونرشه على الدقيق وزى ما يكون بنبس كحك كده::
وندعك الدقيق مابين ايدينا لغاية ما يتشرب اللبن وخلى بالك ما يكونشى زى العجين وبيكون مفرول خالص فى اديكى ولو لئتيه عاوز دقيق زوده شوية دقيق
وهاتى كبة مطحنة أى حاجة موجودة منهم عندك وحطى الدقيق ماتعملشى تشغيل مستمر لا شوية وتوقفى وشغلى الكبة تانى وبعدين وئفى لغاية ما
تلائى شكله عامل زى الكسكسى الجاهز بس استنى اوعى تكونى فكرة ان احنا كده خلصنا لا استنى
هاتى كيس مخدة قديمة عندك مش عوزها أو شاشة أو فنلة بيضة نظيفة وتخصصها للكسكسى
وحطى الكسكى فى الكيس بتاع المخدة وربطى كويس من الناحيتين جامد وتكونى محضرة الحلة اللى هيستوى فيها حوالى تلتها ميه
وتحطها تغلى على البوتجاز وتجبى مصفة على اد الحلة مظبوطة عليها عشان البخار مايتسربشى برة الحلة
وتضعى فى الماء ورق لورا وحبتين حبهان وتضعى الكسكسى فى المصفة وتسبيه حوالى تلت ساعة على النار بتغلى الميه وتغطيه بغطاء حابك على المصفة
و بعدين تنزله من على النار وتفضه فى صينية وتقلبه وتفرده وسيبه شوية يبرد وبعدين تزوده رشتين دقيق عشان يكون مفرفر وتضربيه تانى فى الكبة
ولو احتاج دقيق كمان شوية حطى له ورجعه تانى الكيس وزودى الميه فى الحله تغلى وحطى الكسكسى كمان حوالى ربع ساعة يستوى أو لغاية ما تخبطى عليه
تسمعى زى صوت الطبلة وبكده يكون تمام التمام واستوى وبالهنا والشفاء
ممكن يتقدم مع الخضار السوتيه و جميع أنواع اللحوم والطيور المحمرة
وممكن يتقدم حلو ترشى عليه سكر مطحون وجوز الهند وزبيب بيبقى رائئئئئئئئئئئئئئئئئئئئئئئئئئئع
وقبل مابيتئدم بتسخنى الزبدة على النار وتقلبى فيها الكسكسى وذرة ملح وبالهنا والشفا ويارب الموضوع يعجبكم
أنا عملت الكمية دى ماشاء الله كتير أكلنا منه والباقى حطيته فى أكياس وشلته فى الفريزار وبطلع قبل الاكل شوية بيفك وبعدين اسخنه بجد رووووووووووووووووووووووووعه
معلشى نسيت أقولكم على غسيل الكيسة بتاعة المخدة بتغسلها على طول أول ما بتفضى الكسكى تخدها تنقعها فى الميه هيبوش وتنضف و تبقى زى الفل
ان شاء الله تجربوه ويعجبكم يا حبيبى و متنسوشى تدعولى ::
بالمغفرة والرحمة أنا وكل المسلمين أجمعييييييييين مواضيع هذا القسم برعاية
tota albnota tota albnota images/avatars/peppers.jpg فتكات رائعة Fatakat 571530 طنطا – مصر