فتوكاتى حبايبى النهاردة جايبالكم طريقة عمل السمن البلدى يارب تعجبكم.
المقادير
وش لبن تكونى مجمعاه بعد ما بغلى اللبن الجاموسى اسيبه ليلة فى الثلاجة عشان اقدر اشيل الوش منه وبعدين بجمعه فى الفريزر لغايةما احوش كمية كويسه.
الطريقة
اول حاجة نحط الوش المتجمد فى البولة اللى هنضرب فيها ونسيبه شوية لغاية ما يسيح بس يفضل ساقع برده ماشى.
بعدين هنضرب لغاية ما يفصل يعنى يعمل زبدة ولبن اوسائل زى اللبن.
وبعدين نبتدى نكور بايدينا كتل الزبدة ونحطها فى الحلة اللى هنسوى فسها السمنة
لغاية مانخلص كل السمنةويتبقى السائل بس
السائل ده مش هنرميه هاعملوكه بيه حاجة حلوة ماشى
هنحطه على النار لغاية مايستوى
نضيف نصف ملعقة ملح صغيرة على الزبدة قبل ما نسوى السمنة
اسيبكه مع الصور هتوضح اكتر
بصو يا فتوكاتى اهم حاجة يكون لون السمن اصفر شفاف والمرتة اللى اتكونت لونها ذهبى
وده شكلها بعد مااتجمدت وشكل المرتة
وبالهنا والشفا
دعواتكو والتقييم
دمتم بخير مواضيع هذا القسم برعاية
كريزة حمرا كريزة حمرا 506870_1.gif فتكات نشيطة Fatakat 506870 قنا – مصر