الفتوكات العزيزات انا جايبالكم النهارده احدث طريق لتخزين ورق العنب وده اوان التخزين
احسن الف مره من البرطمانات الي طعمها صعب اوي او اللي بيكون الملح عالي فيها
وكمان بدل الفريزر لأن الورق بيطلع بعد ما يفك من الثلج مخرم
مش هاطول عليكم
نجيب ورق العنب زي ما هو أخضر بالعنق بتاعه ونرصه فوق بعض كل 5 او 7 ورقات زي ما يكون.
نكون محضرين زجاجات بلاستيك بتاعه الببسي او الحاجه الساقعه او الميه المعدنيه
ايوه زجاجات بلاستيك مستغربين ليه وبتضحكوا كمان
انا بخزن فيها من السنه للسنه
بعد ما تحطوا ورق العنب فوق بعض وهو اخضر بدون سلق تلفوا مجموعة الورق دي يعني تبروموها وتدخلوها في الزجاجه لغاية ما تتملي وكل شويه تزقوا المجموعة اللي تدخل باي عصا خشبيه من بتوع المطبخ لغايه الزجاجه ما تتتملي ومايكونش فيها فراغ خالص ولا مكان للهواء وتقفلوها كويس وتحطوها في حته طلمه وليكن دولاب المطبخ.
وتستخدموها السنه اللي تقطعوا الزجاجاه وتسلقوا ورق العنب عادي و بعدها بالهنا والشفا
ملحوظة هاتلاقوا اللون بعد شويه غير وبقى لونه كأنه مسلوق ده عادي ما تقلقوش جربوا انا مجربة الطريقة دي على طول مش هاتخسروا حاجه لو مترددين اعملوا زجاجه واحده السنه ده بجانب طريقتكم مواضيع هذا القسم برعاية
thedeer thedeer فتكات حبوبة Fatakat 321724 القاهرة – مصر
سبحان الله و بحمده