عاملين ايه يا بنات
انا كل ما اجى اعمل بيتزا تطلع العجينه مش منفوشة مكتومة وبتدايق جدا شوفت كل طرق البيتزا ع اليوتيوب
لحد ما عرفت السر
ان البيتزا علشان تكون طريه مقاديرها تبقى بالجرام
المقادير ::
كيلو دقيق
كوبايه زبادي جهينه او لبنيتا اي نوع
3 معالق لبن بودرة
كيس خميرة فورية 10 جرام
3 معالق زيت
معلقة ملح ومعلقة سكر
نصف معلقة ثوم بودر ونصف معلقة صغيرة بصل بودر
450 جرام ميه او اقل
بيضة
نحط كل البودر مع بعض ونقلبه كويس الدقيق والملح والسكر واللبن والخميرة وبودر الثوم والبصل
وبعدين نحط البن والبيضة مع الزيت لوحدهم نقلبهم كويس ونحطهم على العجينه في العجان ونضربهم مع بعض وبعدين نضيف الزبادي والميه ونضربهم كويس
ونسيبهم شويه مع بعض يضربوا 10 دقايق او اكتر
ونطلعهم نحطهم في كيس ونسيبهم يخمر وقت كويس 5 ساعات او اكتر لما طولت الوقت طلعت هشه جدا
صلصة الطماطم بقى معملتهاش الحقيقة
حطيت كاتشب ورشيت عليه زعتر وريحان وحطيت الجبن والمشروم والفراخ او السجق او البسطرمة وبعدين الجبنة الموتزاريﻻ مع الرومي طلعت تحفة الحمد لله
وديه الصور بتاعه السجق والفراخ البسطرمة ملحقتش اصورها
مواضيع هذا القسم برعاية
hodadel hodadel 434188_8.gif فتكات ست الكل Fatakat 434188 اسكندرية – مصر