إزيكم يااحلى فتوكات
عاملين ايه في الجو العجيب اللي مش مستقر ده ؟؟
معايا النهاردة طبق بسيط جدا والاهم بقى انه لذيذ وألذ من المطاعم كمان
طبق الأرز بالجمبري
أكيد ناس كتيييير زيي كده بيعشقوا حاجة اسمها جمبري صح
يلا نبتدي بسم الله ..
المقادير :
=====
2 كوب أرز
300 جم جمبري صغير أو كبير حسب رغبتك ( أفضل طبعا بالصغير لكن ماكانش عندي وقتها فعملته كبير )
بصلة كبيرة مفرومة
ربطة بقدونس + ربطة شبت مفرومين
ملح وفلفل أسود وكمون وشطة
بهارات للنكهة ( زنجبيل بودرة + ثوم بودرة قليل + كركم للون + رشة فلفل أبيض مطحون )
الطريقة :
=====
حمري البصلة في زيت بكمية مناسبة حتى تأخذ اللون الذهبي المائل للبني
أضيفي الجمبري والملح وقلبي حتى يجف الماء تماما
أضيفي البهارات كلها ونصف مقدار الشبت والبقدونس
قلبي لثوان ثم أضيفي كوبين من الماء المغلي واتركيه ليغلي دقيقة ثم أضيفي الارز المغسول وباقي مقدار الشبت والبقدونس
غطي الإناء واتركيه على نار متوسطة حتى يجف الماء ثم هدئي النار حتى ينضج تماما
وقدميه حسب الرغبة
وبسسسس
إن شاء الله تكون الطريقة عجبتكم ياقمرات
وصدقوني النكهة والريحة فظييييعة وأحلى من المطاعم
بألف هنا وشفا ياقمرات
وسلااام بقى
واوعواااااا تنسوا التقيييييييييم
مواضيع هذا القسم برعاية
Anfas Elfajer Anfas Elfajer 122969_2.gif فتكات رائعة Fatakat 122969 حيث يشرق الأمل كل صباح مع .|. أنفاس الفجر .|. الأولى – مصر