طاجن كوسه باللحمه المفرومه بجد ماشاء الله يجنن وممكن تاكليه بعيش او جنب رز ابيض
وكمان فى تكايه جديده ضيفتها للطاجن بجد بتفرق فى طعمه جدااا ان شاء الله للافضل
نشوف الصوره النهائيه
تابعوا معايا الطريقه
المكونات
انا هنا مصوره المكونات بعد ماحضرتها وجاهزه اننا نحطها فى الطاجن بس ان شاء الله فى الصور الجايه هنشوف طريقه تحضيرها
-كوسه مقطعه دواير او انصاف زى ماتحبى
لحمه مفرومه
طماطم معصوره
زيتون اخضر ..اخضر مش اسود هيفرق اووى فى النكهه
ندخل بقا على طريقه تحضيرهم
_ تحضير اللحمه المفرومه
مكوناتها : بصله مقطعه قطع صغيره +ملح وفلفل اسود وكمون+طماطمايه مقطعه مكعبات+قرن فلفل مقطع صغير دوول المكونات بس مش عايزين نضيف نكهات تانيه عشان عايزين نحس بطعم مختلف للحمه المفرومه ع عكس اى لحمه عصاج
_ اول حاجه هنحط حبه زيت مع البصل وملح وفلفل ونسيبهم يتشوحوا شويه يدوب يدبلوا كده ننزل باللحمه المفرومه ونقلب كويس ونظبط بقا الملح بتاعنا ونسيب اللحمه تستوى
وهنا بعد ماللحمه استوت تماما هننزل بمكعبات الطماطم والفلفل ونقلب ونسيبها دقيه ع النار ونقفل احنا مش عايزين نسوى الطماطم احنا عايزينها تبقى محتفظه بشكلها مع الفلفل وبكده هتكون اللحمه المفرومه جهزت نسيبها بقا على جنب ونجهز باقى المكونات
تابعوا معايا
_ هنحضر تانى مكون معايا الكوسه
مكوناتها كوسه مقطعه +بصله مبشوره +ملح وفلفل اسود فقط
هنحط البصل المبشوره مع حبه زيت ورشه ملح بسيطه ونشوحها شويه بس منخليهاش تحمر عايزينها تدبل بس شويه
بعد مابنشوح البصله ننزل بالكوسه المقطعه ونقلب لغايه مانخلها هى كمان لونها يتغير شويه وتدبل شويه
هنحضر تالت مكون معانا عصير الطماطم
مكوناتها طماطم +مكعب ماجى+قرن فلفل صغير
اول حاجه هنقطع الطماطم نصين ونحطها فى ميه مغليه وملح ونسيبها تغلى شويه وبعدين نطلعها نضربها فى الخلاط مع مكعب الماجى والفلفل وشويه ملح مع رشه بسيطه سكر مش مستظرفه السكر بلاش منه
المهم واحده تقولى ليه الغلبه دى ما نعصر الطماطم فريش وخلااص هقولها انا مش عايزه الماطم يبقى فيها ميه كتير عايزه قوامها متوسط من غر ضرب ميه والخطوه دى بتدى النتيجه دى وبيبقى طعم تحفه كمان لان لاحظوا ان الطاجن هيدخل الفرن مش هنسبكوا ع البوتجاز تمام
هنا الطماطم بعد ماضربناها مع باقى المكونات اعتقد قوامها بابن وكمان انا بضربها من غير ميه خالص
بقشر القشر من عليها واضربها وبتضرب معاكى متقلقيش
1-بعد ماحضرنا كل مكونات الطاجن نبتدى نرص بقا
اول حاجه هنحط طبقه كوسه
2-وبعدين ننزل بطبقه لحمه مفرومه
#والتكايه اللى هنا بقا اللى بتديكى طعم جديد وجميل
هى الزيتون الاخضر بعد مابحط اللحمه بحد حبه زيتون اخضر عليها مخلى بجد بيجدد من طعمها وبيخليها طعمها جميل ماشاء الله
3-بعد ماطينا اللحمه المفرومه والزيتون هننزل بقا بطبقه من الكوسه كمان وفى الاخر نغطيها بعصير الطماطم ونحاول تبقى فوق الكوسه بشويه عشان طبق الكوسه اللى فوق تستوى انا زودت شويه كمان بعد ماصورت اخر صوره
بعد ماتخلصى الطاجن ندخله الفرن على درجه حراره 200 ونسيبه براحته يستوى وفعلا اكله ماشاء الله جمييله اتمنى تعجبكم
3ملحوظه احنا فى كل الخطوات اللى فاتت مع كل مكون كنا بنحط ملح فياريت تاخدوا بالكوا وتعادلوا الموضوع عشان ميطلعش حادق معاكم اوك
واخيراً وليس اخراً ان شاء الله
لو عجبتكم الاكله مش عايزه منكم غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى ويبعند عنى وعن اهلى اى حزن او ضرر
فى رعايه الله يافتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt