السلام عليكم ورحمة الله وبركاته
انا اول مرة اعمل هنا موضوع او حتى افكر اطبق حاجة من التى فى
كنت بتفرج على cbc سفرة و لقيت بنوتة بتعمل الصينية دى عجبتنى فكرتها خصوصا انى بحب كل مكوناتها وموجودة عندنا
فقولت وماله جربى مش هتخسرى حاجة و اهى ابطل كسل شوية
قومت ساعتها 3 الفجر اعملها جعانة مكولش ؟؟
تعالوال اوريكم الصور الاول وبعدها هقولكم الطريقة ……….
دى صورة للصينية قبل ما تدخل الفرن مباشرة
المكونات …………..
بشاميل
باذنجان مقلى
زيتون و جبنة رومى للوش
مشروم
صلصة
و بس كده
طريقة البشاميل للى مش تعرفها ……………
انا اصلا اول مرة اعرف البشاميل بيتعمل ازاى وصممت انى انا اللى اعمله …….
معلقتين سمنه
4 معالق دقيق
مرقة دجاج فورية (( او مكعب عادى ))
كوب لين و نص متدوب فية المرقة
الطريقة ……………
قدحت السمنةعلى النار و بعدها حطيت الدقيق واعدت اقلب اقلب لحد ما لونة اغمق شوية و ريحتة طلعت ومسك كدة فى بعضة كانه عجينه
و بعدين كنت غالية اللبن على النار ضيفته على الدقيق والسمنة واعدت اقلب على نار هادية لحد ما لقيتهم بيغلوا و القوام بقى متوسط مش سايل ولا ماسك
و بس
نرجع بقى للصينية ……………..
حطيت طبقة بشاميل
و بعدها طبقة بتنجان
و بعدها طبقة مشروم
و طبقة صلصة و حطيت تانى مشروم
و بعدها طبقة بتنجان
و حطيت طبقى صلصة وبعدها طبقة بشاميل كتيرة و حطيت فوق بقى مشروم و زيتون و جبنة رومى مبشورة
و دخلتها الفرن على درجة متوسطة 20 دقيقة و ولعت الشواية عشان الوش يحمر 10 دقايق بس كنت بتابعها عشان متتحرقش الوش
طعمها طلع يهبل اوووووووووى و بجد تحفة انا عملتها امبارح زى دلوقتى و لسة مخلصة اخر حتة فيها ناو
ماما خدت حتة بس تدوقها لانها عاملة ريجيم وقالتلى شطورة وكمان البشاميل اما عملته دوقتها قالتلى حلو اوى شاطرة
انا بعرف اطبخ على فكرة بس طبيخ رز مكرونة شاورما كدة
لكن بشاميل و كدة لسة شوية انا بحب كل فترة كدة اجرب حاجة او اتعلم جديد و باذن الله لو لقيت تقييم و الحاجة عجبتكم هنزلكم
الشاورما بتاعتى و حاجات تانية حلوة
يلا يا قمرات قولولى رايكم و اللى يعجبها تقيم بليز مواضيع هذا القسم برعاية
panota_dalo3a panota_dalo3a 628559_4.gif فتكات ست الكل Fatakat 628559 قاهرة – مصر