ازيكم يا احلى واحب صحبة لقلبى
وحشتووووووووووونى بجد ومن زمان منزلتش حاجة
والنهاردة وبكل حب وتقدير
يشرفنى بكم ولكم انى اقدم لكم وصفة من وصفاتى المتواضعة
وهى صينية سمك الفيلية بالطحينة
يارب تعجبكم وان عجبتكم متحرمونيش من الرد والتقييم ان شاء الله
المقادير
كيلو سمك فيلية
5 معالق طحينة كبيرة
معلقة كبيرة بقدونس
ملح وفلفل بصلة متوسطة
نقطع السمك قطع متوسطة
نتبل السمك بالملح والفلفل والكمون والتوم والليمون
نقطع البصلة قطع صغيرة او نبشرها بالمبشرة
ونحمر البصلة فى شوية زيت صغيرين
وبعد ما تصفر البصلة شوية
نرص شرايح السمك ع البصل ونسيبة على نار هادية
ونقلبة ع الناحية التانية بعد خمس دقائق علشان يستوى من الجانبين
نجهز الطحينة ونزودها شوية مية ونقلب
ونتبلها بملح بسيط وفلفل
بعد كدة نحط الطحينة على السمك وهو ع النار
ونزود 21 كوباية مية
هنا بقى حطينا البقدونس ونسيبها لما تاخد غلوة
دلوقتى الحمد لله استوت وبقت تمام
بجد كانت فى منتهى الجمال
وتغيير كمان
اسيبكم مع الصور
اتمنى طريقتى تعجبكم ان شاء الله
وبجد يا فتوكات كانت ممتااااااااااازة
والصو ص بتاعها كان حلو قوى بجد
مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة