على احلى فتوكات
النهارده جايبالكم الغداء السريع
لما بنكون مستعجلين بنبقى مش عارفين نعمل ايه وبسرعة
فاحلى حاجة نعمل صينية الفراخ بالخضار فى الفرن
مش ها نتعب فى عمايلها وجنبها الأرز
وكده يبقى الغداء خلص بسرعة
انتم عارفينى بحب الحاجات السريعة والسهلة
ياللا نبدا بسم الله
المكونات
فرخة مغسولة كويس ومتقطعة
التتبيلة
(بصلة-طماطماية-فلفلة خضراء-فص ثوم-كرفس–خل تفاح-كركم-كارى-ملح-فلفل-كاتشب وكلهم فى الكبة)
خضار مشكل
الطريقة
1- نقعت الفرخة فى التتبيلة واخدت جزء من التتبيلة قلبته مع الخضار
2- جهزت الفرن180 درجة وسط
3-رصيت الخضار وبعدين الفرخة وغطيت الصينية بالفويل
4-الصينية بتاخد حوالى ساعة ونصف وبعدين اشيل الفويل
5-أحط الصينية تحت الشواية لغاية لما تتحمر
وبتتقدم مع رز و شرايح طماطم مخللة سريعة برضه موجودة فى اللينك ده
https://fatakat.univanet.com/#p93031350
اتمنى تكون الطريقة عجبتكم
وما تنسونيش من دعواتكم الحلوة
واشوفكم على خير إن شاء الله فى موضوع جديد
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل