السلام عليكم ورحمة الله
ازيكم يا احلي فتكات في الدنيا
النهاردة جايبلكم صينية البوري التحفة من ايد ماما حمدية
بجد لو جربتوها هتدمنوها لا تقولولي مشوي ولا مقلي الصينية هي الحل
دلوقتي هندخل الصينية وطريقتها السحرية
اولا مكونات الصينية ((((سمك بوري متنضف وحلو وجميل وابن حلال كدا وياريت تجيبوه من مصدر موثوق منه ))))
+
(((كرفس كتير))))
+
(((حبة بقدونس ))))
+
((( لكون شرايح ))))
+
(((حبيتين طماطم كبار مقطعين )))
+
((( راسين طوم بقا حلوين ومدقوقين))))
+
((( قرنين فلفل حلوين حسب ما تحبي حامي او بارد)))
+
(((( الملح والتوابل وبهارتك اللي بتحبيها ))))
=
=
=
(((صينية سمك بوري معتبرة تنفع فكل المناسبات )))))
ياللا بقا يا حلوين نلخبط كل مكونات الخلطة مع بعض زي مانتو شايفين فلصورة
وبعدين نمسك البوري سمكة سمكة ونفتحها ونحشي كل سمكة بحبة من الخلطة المذكروة اعلاه فوق يعني
زي ما هتشوفو فلصورة كدا…
اوعي تخلصي الخلطة كلها علي السمك خللي حبة علشان هتقسميهم رشي حبة تحت السمك وحبة فوق السمك بعد ما تروصوه زززي كدااا
وهو دا شكل الصينية النهائي قبل دخولة الفرن هترشي عليه بقا معيار كباية شاي زيت كدا
وما تحطيش ولا نقطة مايا في الصينية علشان هو هيجيب مايته ويستوي فيها
وهيخرج من الفرن بعد 20 دقيقة تقريبا علي حرارة هادية اول ما هتبصو هتلاقوه شرب مايته ولو لمستوه تلاقو لحمته استوت
ماتنسوش التقيييم والدعوة الحلوة لماما حمدية ربنا يديها الصحة ويخليها لنا
والي لقاء اخر مع مطبخ ماما حمدية في اكلة جديدة ان شاء الله
مواضيع هذا القسم برعاية
bent_el_islam bent_el_islam 161553_5.gif فتكات رائعة Fatakat 161553 اجمل ارض – مصر