السلام عليكم ورحمة الله
انا امبارح شوفت حلقة للشيف يسرى
وكان عامل فيها الاكلة دى وعملتها وعجبتنى جدا
وحبيت اجيبهالكم
اولا بنسلق بطاطس وبعدين بنهرسها ونضيف عليها ملح وفلفل بسيط وشوية لبن واى نوع جبنه مبشورة
ثانيا بنجهز العصاج ازاى:
نشوح بصل مفروم فى زبدة وبعدين نضيف مكعبات جزر صغيرة ونقلب وبعدين نضيف كرفس مفروم ونقلب
وبعدين اضاف اللحمة المفرومة وقلبها لحد اما استوت
وتبلها بالمح والفلفل والبهارات والزعتر
وبعين اضاف شوية صلصة
وانا صراحة زودت على الخلطة دى فلفل اخضر +فص توم مفرى والصراحة كانت تحفة
نيجى للتطبيق
هو جاب طينية فرن وحط فيها طبقة بسيطة من البطاطس المتبلة
وبعدين حط العصاج
وبعدين حط باقى البطاطس فى كيس حلوانى
وغطى العصاج كله بوردات من البطاطس
ورش عليها رشة جبنة مبشورة
ودخلها فرن متوسط لحد اما اخدت لون
بس بصراحة كانت تجنن وريحة العصاج بتاعها كان تحفة
وقال ان العصاج ده ممكن يستخدم فى اكلات مختلفة
واكيد هتطلع تحفة
يارب تعجبكم الطريقة
وتدعولى بصلاح الحال والذرية الصالحة.
مواضيع هذا القسم برعاية
سلمى سالم سلمى سالم 51529_1.gif فتكات ست الكل Fatakat 51529 الرياض – السعودية