حبايبى وأحب الناس على قلبى
بعد نجاح الجزء الأول من صيدليتنا الجميله
هنبدأ سوا جزء جديد
ويارب نشوفكم فى الخير بس
صيدليتنا بتقدم خدمات مجانيه لكل زباينها
اى استشارات او وصفات دوائيه
اى اسئله عن استخدام الأدويه
اى اسئله عن الأعراض الجانبيه للأدويه
اى استفسار عن أسعار الأدويه
تأثيرات الأدويه على الحمل أو الرضاعه
جرعه الدواء حسب الحاله
تتميز صيدليتنا
بخدمه توصيل الاستشارات إلى البيوت مجانا
وخدمه 24 ساعه
وهبقى معاكم
وتحت أمركم فى أى وقت ان شاء الله
اه ما تنسوش
ياريت كل واحده قبل ما تمشى تسيبلى دعوه حلوه وهى طالعه عند الكشير بتاع الفلوس
ربنا يباركلى فى بنتى وزوجى وعيلتى
ويهدينا ويرضى عنا دايما
اه نسيت ليا كام ملحوظه الله يكرمكم قبل ما نبدأ
اولا : لو اى فتوكه اخرنا فى الاجابه عنها والله غصب عننا فبلاش زعل وعتاب والتمسولنا الأعذار وان شاء الله ماهيبقاش فيه تأخير
ثانيا : احنا هنا صيدليه صحه المرأه يعنى ياريت الأسئله تبقى فى اطار الصحه لأنى بتجيلى أسئله كتير عن مستحضرات تجميل فى السوق وانا ماليش خبره فيها غير شويه صغيره على ؟أدى وعندنا فى المدونة خبيرات تجميل ما شاء الله عليهم فى اقسام البشره والشعر ودكاتره برضه وبرضه أسئله التخسيس والنحافه عندنا خبيرات ودكاتره تغذيه فى اقسام الريجيم والرشاقه اكيد هيفيدوكى اكتر منى
ثالثا : ياريت الأسئله تكون عالعام عشان الكل يستفاد وخلوا الخاص للأسئله اللى هتحرجى تكتبيها عالعام
اترككم فى حفظ الله ورعايته
بحبكم فى الله
هدايه الرحمن هدايه الرحمن مشرفة عامة لأقسام الصحة و الرشاقة Fatakat 197917 مع جوزى حبيبى – مصر