طبعا انا كل موضوع ليه بحكاية ه لازم هههههههه
انا عندى فى البيت بيغلبونى فى الأكل و على طول عايزين ابتكارات
و مفيش هدنة أبدا هههههه المهم دخلت المطبخ و قلت النهارده هبتكر ههههههه ( ربنا يستر )
كنت قريت و صفة بس قلت هعدل فيها شوية و مكنش عندى صدور فراخ بس كان عندى صدور ديك رومى
المهم قلت أهو تغيير و بدأت شغل و لما حطيت الأكل كنت مالحقتش أدوقه عشان اتأخرت اوى فى المطبخ كنت بعمل حلجلت كتير
المهم حطيته على السفرة الحقيقة شكله كان حلو اوى و هوه متقدم بس عايزة ادوق أعرف و اترعبت جوزى يتريق عليّة
المهم جوزى فضل ياكل و مش بيقوللى حاجة و انا مستنية يقول ايه الأخبار لدرجة انى خفت اكل
لقيته بيقوللى لو مأكلتيش هخلصه لوحدى كله مش هسيبلك فتفوتة
بلعت ريقى و قلت له ده عشان اتأخرت عليك و جعان و لا فيه سبب تانى
قاللى انا طبعا جعان جدا
بس مش هسيب اكل المطعم اللى فتح فى البيت ده
فا أكلت بقى
هههههههه
بجد طلع حلو اوى و تغيير خالص عن المعتاد
المهم تانى مرة دخلت أعمله قلت لازم أصوره و أنزلهولكوا
بس المرة دى عملته بالفراخ عادى
بس سواء بالفراخ او بالصدور الرومى الطعم تحفة رهيييييييب يا فتوكات
كفاية بقى انا رغيت كتير اوى يلا نبدأ
بسم الله :
المقادير :
نصف كيلو صدور فراخ منظفة بالخل و الليمون و الملح
( انا هنا النص كيلو بتاعى كان عبارة عن صدرين بس كانو تخان اوى بس مش باينين فى الصور )
فا انا قسمت كل واحد فيهم 3 شرايح و غسلتهم تانى
بس لو الصدور بتاعتك مش تخينة اوى كده اقسميها اتنين
هيه لازم تكون شرايح كده عشان تكون أسهل فى الأكل و كمان أطعم و أشيك فى التقديم
باقى المقادير :
معلقتين كبار زيت زيتون
بصلة مفرومة
فص توم مفروم
كوب مرق ( او اكتر حسب ما تحتاج الفراخ )
معلقة دقيق
ملح و فلفل
كارى ( حسب الرغبة )
معلقتين صغيرين بس ماليانين مستردة او ( خردل ديجون لو عندك ده اللى انا استخدمته هنا )
نص كوب كريمة سايلة
و دى صورة كل المقادير مع بعض بس نسيت أصور الكريمة
و ادى صورة الكريمة اللى أستخدمتها
صحيح معلومة كده عرفتها ان لما ناخد حبة من الكريمة هنلاقى فية كريمة بقت على الغطا من فوق زى كده
ماتمسحيهاش
دخليها التلاجة كده هتلاقيها نشفت دى هتحافظ على الكريمة تفضل مدة أطول من غير ما تبوظ
المهم
نجيب مقلاة واسعة و نحط الزيت و بعدين البصل لحد ما يدبل شوية و يبقى شفاف
و بعدين نحط التوم
و نحط صدور الفراخ بتاعتنا و نتبلها بالملح و الفلفل كده
اول ما تبيض نضيف الكارى
و نقلب الصدور كويس لحد ما تحمر شوية
معلش بقى مطبخى كان متبهدل بسبب كيكتى البايظة (ده موضوع كنت كتبته قبل كده )
لما اشتغلت فيها دمرت المطبخ شوية
فا متركزوش فى المطبخ ركزوا فى الأكلة بس هههههههه
المهم
تابعونى فى المشاركة اللى جاية مواضيع هذا القسم برعاية
zatoona magnoona zatoona magnoona 479996_3.gif سوبر فتكات Fatakat 479996 jeddah – saudi arabia