شويت الكفتة زي الحاتي ومن غير شواية 2024.

اولا ازيكم يا احلي فتوكات ..اخواتي واصحابي في احلي منتدي بجد بجد بكون مبسوطة لما اكتب موضوع فيه تجربة ليا يستفاد منها الكل ..
الاول صلوا علي اشرف الخلق اجمعين سيدنا محمد صلي الله عليه وسلم ..

انا كنت كتبت موضوعات بسال فيها علي طريقة الشوي علي الفحم وازاي اولع الفحم في البيت وانا معنديش شواية والمهم ناس رديت عليا وللاسف كل التجارب فشلت وانا وزوجي مش بناكل الكفتة غير مشوية علي الفحم .. ونظرا لظروف البلد والحمي القلاعية فاحنا مش بنجيب اكل جاهز اليومين دوزول خالص غير انانا بنظبط الميزانية ..
فقلت لا انا لازم اعمل كفتة في البيت ما انا نفسي فيها بقي اعمل ايه

المهم حقولكم طريقة عمل كفتة الحاتي بتاعتي الاول
المقادير :
لحم مفروم حسب الكمية اللي تحبيها
بقدونس اخضر
بصل
ملح وفلفل

الطريقة
انا مش بحب البصل كتير وده بيخلي اللحمة طعمها احلي ولو عندك قطعة من الدهن بتفوح معاكي وتبقي احلي واحلي
فرمت البصل وحطيته علي اللحمة المفرومة
وبعدين اخد=ت البقدونس غسلته كويس واخدت منه الاوراق بتاعته بجزء بسيط من العروق من فوق لان الباقي مش بتفرم كويس مهما حاولت
المهم فرمت البقدونس وحطيت الملح والفلفل وعجنت كل ده مع اللحمة المفرومة بطريقة اللكمية

اه والله هي اسمها كده يعني تجمعي اللحمة بالخلطة بايدكي وبعدين تتغطي عليها بايدك من العكس زي ما تكوني بتدي واحد لوكمية لغاية ما لون اللحمة يتغير ويتساوي المقادير مع بعض كلها ..
غطيتها وحطيتها في الثلاجة لتاني يوم يعني من بالليل للصبح ممكن انت تحضريها قبل العمايل بساعتين تلاتة
المهم
طلعتها تاني يوم وصبعتها وحطيتها في صاج في الفرن الكهربائي والصاج يكون مدهون بالزيت اوز الزيدة السايحة حسب رغبتك حوالي معلقتين الي 3 ملاعق زيت
ومتحوطيش حاجة معاها خالص لانها هتنزل ماء وهتشربها
طبعا فكرة الكفتة المشوية بتزن في دماغي ومش عايزة تخرج فكنت مضطرة اني اولع فحمة وارميها في نص الكفتة بعد ما تستوي واغطيها ولاحفلة الرخمة دي
ابص القيلكم ايه فكرة فوكيرة جت علي دماغي وهي اني اولع الفحمة واحطها علي سيخ الفرن الكهربائي اللي بتبقي موجودة في الفرن من تحت
اللي هي شكلها زي نص دائرة في الصورة دي

وقد كان حطيت فحمتين واذا بالفحم ولع واشتغل والفرن اتمكلي دخان كاني عند الحاتي والكفتة استوت وهي في الصاج علي الفحم والفرن مقفول فالريحة بقت مركزة وباقي الدخان البسيط طلع في المطبخ وبقيت ريحة الشوي رووعة في الشقة والكفتة طلعت زي بتاعة الحاتي تمام

وزوجي جه شم الريحة من السلم قال اه دي اتجننت وولعت الفحم وهدخل القيسها مهببة الشقة وشها وهتبقي ايامها معايا…
دخل لقي كل شيء تمام وعملت جنبها محشي وسلطة طحينة وبطاطس شيبسي وكانت احلي اكلة والله

اتمني تكونوا استفدتم من تجربتي في توليع الفحم والشوي من غير دخان يبوظ ولا شواية مكلفة
دمتم في رعاية الله

واتمني عدم نقل الموضوع دون ذكر المصدر والا لنم اسامح من يفعل ذلك
مواضيع هذا القسم برعاية

iten_nn iten_nn 40863_2.gif فتكات ست الكل Fatakat 40863 الاسكندريه – جمهوريه مصر العربيه

سبحان الله و بحمده