ازيكوا يا فتاكيت والله وحشتوني
انا النهارده جايبالكوا شوربه لسان العصفور بالجمبري الحقيقه انا كنت واقفه في المطبخ بحضر العشا كان عندي جمبري في الفريزر كنت عايزه استعمله بس مش عايزه اقلي ولا اشوي وابهدل الدنيا مش طالبه يعني باليل وفجاءه طقت في دماغي اعمله مع لسان عصفور اهي حاجه خفيفه كده وسريعه
الحقيقه انا كنت اول مره اعمله بس قولت حجرب
والمقادير
12كيس لسان عصفور انا استعملت الحروف
1جزه مقطعه
1 طماطم مقطعه
1فلفله مقطعه
1بصله صغيره مقطعه
14معلقه كمون
وملح وفلفل اسود
وطبعا شويه جمبري مقشريين ومغسولين (واوعي ترمي القشر)عايزينه
الطريقه
نجيب كل الخضار المقطع(البصلوالطماطموالفلفل والجزره والقشروكله علي بعضه في حله صغيوره ونسيبهم لحد مالخضار يسوي
ونجيب لسان العصفور ونحمره شويه وبعدين نحط عليه الجمبري في الاخر دقيقه بس مش كتير وبعدين نجيب الخضار بعد مااستوي ونصفيه كويس ونطش بيه لسان العصفور ونسيبه يغلي شويه وبعدين نطفي ماننساش الملح عايزه اقولكوا ان طعمها كان تحفه وريحتها جميله واتنسفت بالهنا والشفا وولادي حبوها جدا والمفاجاءه انها عجبت ابوهم كمان و ده مبيحصلش كتير
مواضيع هذا القسم برعاية
anooosh6 anooosh6 images/avatars/pacifier.jpg فتكات نشيطة Fatakat 844422 طنطا – مصر