ايوة وصفة شوربة خضار ههههههههههههههههههه من غير ضرب ولا شتيمة اصلى جربتها بتكة جديدة كده ولقيتها فرقت معايا كتير فى الطعم والشكل فقلت افيدكم معايا المقادير كوسة بسلة جزر فاصوليا كرفس شوربة فصين مستكة معلقة كبيرة زيت الطريقة باشوح فصين المستكة فى معلقة الزيت لحد ما تسيح متقوليش ازود المستكة علشان تدى طعم حلو لا لو زادت بتمرر الطعم وبعدين تضيفى الخضار المتقطع ياخد الطشة الاولانية وبعدين توطى النار وكل شوية تقلبى الخضار وهى دى التكة انى مش باضيف الشوربة الا بعد تمام التسوية وطبعا لازم افضل منتبهة واقلب كل شوية علشان الخضار ما يلسعش ومتخافيش مش هيتحرق لان كل الخضار فيه ميته والنار واطية والطريقة دى بتخلى الخضار لما يستوى يفضل محافظ على لونه وده دليل انه كمان محافظ على فيتاميناته زى الطهى بالبخار كده الصورة دى بعد ما كل الخضار استوى تخيلو ولونه لسه زاهى وحلو ازاى وعلى فكرة ممكن تاكله كده زى السوتيه برضه بيبقى حلو ولو عاوزة تكملى مشوار شوربة الخضار هههههههههههههههه حطى شوربة الفراخ او اى نوع شوربة عندك وتقدميه لعيلتك بالف هنا وشفا ممكن لوحده وممكن مع فراخ او لحم مشوى وكده تبقى وجبة متكاملة وصحية ومفيدة اشوفكم مع وصفة تانية ان شاء الله التقييم يا حضرات مواضيع هذا القسم برعاية همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر
