وحشتونى فى قسم الشوربة الجميل
اللى بيدفى فى عز البرد
النهارده جايبالكم طريقة شوربة الطماطم بالكريمة
شوربة جميلة جدا جدا
وكمان مفيدة اوى لنا وللأطفال وها يحبوا طعمها إن شاء الله
وممكن ان احنا نستغنى عن الكريمة
الأول شوفوا الشوربة
ها ايه رايكم………..
ياللا نبدا بسم الله
المكونات
4 حبات طماطم كبيرة مقطعة مكعبات
(بنقشرها بس انا كنت مستعجلة ما قشرتهاش)
بصلة كبيرة مقطعة مكعبات
فصين ثوم او بصل اخضر مقطع
2 كوب شوربة
معلقتين زبدة وزيت
معلقتين دقيق
ملح وفلفل
1/2 معلقة صغيرة سكر
معلقتين كريمة خفق(اختيارى)
الطريقة
1- نضع فى القدر البصل مع الثوم والطماطم
2- تضاف الشوربة ويوضع القدر على النار العالية حتى تبدا فى الغليان
ثم نجعل النار متوسطة ونتركها لمدة 20 دقيقة
3- الشوربة بعد ما استوت المكونات يتم وضعها فى الخلاط وتصفيها من قشر الطماطم والبذور
(انا ما صفيتهاش كنت مستعجلة لكن يفضل تصفيتها)
5- فى قدر آخر تسيح الزبدة والزيت ويضاف لها الدقيق ويقلب جيدا حتى يميل للون الأصفر
6- تضاف شوربة الطماطم على الدقيق والزبدة وتقلب
ويمكن الإكتفاء حتى هذه الخطوة وتقدم فى اطباق
7- لمحبى الكريمة:
تضاف ملعقتان من كريمة الخفق قبل التقديم وتسخن الشوربة
وتقدم بالف هنا
اتمنى تكون الطريقة عجبتكم
وما تنسونيش من دعواتكم الحلوة
واشوفكم على خير إن شاء الله فى موضوع جديد
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل