وحشتوووووووووونى يا حبايب قلبى
عملت من كام يوم شاورما بعيش الصاج (او عيش الشاورما)
بصراحة كانت لذيذة موووووووت
ومحببة للاطفال جدا
فى الاول جهزت العجينة وسبتها تخمر
واثناء ما بتخمر جهزت الشاورما
طبعا كل واحدة وليها طريقتها فى الشاورما
بس دى طريقتى ومقاديرى
شرائح لحم احمر
شرائح فلفل وبصل
طماطم مقطعة مكعبات
جزر مبشور
ليمون
توابل (روز مارى/زعتر/فلفل اسود/ملح/بهارات لحمة/ورقة لورا/جنزبيل)
باسوى اللحم الاول سوى شبه كامل ومعاه التوابل
وقبل نهاية السوى اضيف البصل والطماطم
وبعدها بشوية الجزر والفلفل علشان يحتفظوا بلونهم
واطفى النار بعد دقيقتين واعصر ليمونة بعد النضج
مش باحب اضيف خل مفيش بينى وبينه ود
نشوف الصور بقى
فى الوقت ده بتكون العجينة خمرت
مقادير العجينة
1.5 كوب دقيق
1 معلقة كبيرة زيت
1 معلقة كبيرة لبن بودر
1 معلقة صغيرة بيكنج بودر
1 معلقة صغيرة خميرة فورية
1 معلقة صغيرة سكر
رشة ملح
ماء للعجن (من 3/4 الى كوب )
المقادير دى طلعت حوالى 10 رغيف
(اسفة جدا لانى كنت قولت ان المقادير دى بتطلع 20 رغيف بس للاسف الذاكرة خانتنى لانى كنت عملاها من وقت بعيد شوية)
بافرد العجينة على رخامة
ويا ريت تحاولى تكون خفيفة
وبمجرد ما افرد احطها فى طاسة او صينية على النار
من غير اى اضافة (زيت او سمن)
وفى دقيقة بيستوى العيش
واقلب على الوش التانى
ومسافة ما بستوى الرغيف باكون فردت اللى بعده
واطلعه فى صينية واغطى على طول
وبس كده يا دوب احشى والفه ويتقدم بالف هنا
وطبعا جنبه كاتشب ومايونيز ومستردة ولفت بيتى مخلل
وجوه العيش حطيت طبقة سلطة طحينة
التقييم
لو شايفة ان الموضوع يستاااااهل قيمى
مواضيع هذا القسم برعاية
♣♣ jollya w bas ♣♣ ♣♣ jollya w bas ♣♣ 104679_27.gif ملكة فتكات Fatakat 104679 فى ارض الله الواسعة – مصر التى فى خاطرى