]انا لسه عاملاها ومتعشيين بيها حااااااااااااالا
اصل احنا بنتعشى الساعه 7 و8 الصبح عادي جداااااااااااا
المهم يااااااااااااارب تعجبكوا
انا كنت الاول بجيبها من بره من كتر ما انا وجوزي بنحبها
لحد ما جربت اعملها من يومها وهي العشا الرسمي لينا
وطلعت معايا حلوة قوي وعجبت جوزي رغم ان صعب يعجبة حاجة بس الحمد لله
ندخل بقى في المفيد
اول حاجة المقادير اللي هنستخدمها
هتقطعي بصله متوسطه مكعبات وفلفل وجزر برده مكعبات
وتجيبي جمبري متقشر حسب الكمية اللي انتي عايزاها وممكن يكون مثلج او طازو الاتنين جربتهم وطلعوا حلوين
وتجيبي اصابع بطعم الكابوريا بتدي طعم حلو قوي وبتبقى موجوده في كل السندوتشات الجاهزة
والبهارات طبعا لا غنى عنها ملح وفلفل اسمر وكاري وشطه
ومايونير وكاتشب وملعقه كبيرة زبادي
ونجيب شوية زيت صغيرين ونحطهم ع النار ونضيف ليهم البصل لحد ما يدبل
وبعدين نضيف الجمبري والاصابع اللي عندنا ونقلبهم مع البصل
ونستني شويه مع التقليب ع النار
وبعدين نضيف مكعبات الجزر والفلفل
ونقلب كويس ونغطي عليهم ونسيبهم شويه تقريبا 10 دقايق كده مبيخدوش وقت ولازم كده عشان القيمة الغذائيه كمان متروحش
ونضيف بقدونس في الاخر قبل ما نطفي النار علطول علشان بيدبل بسرعه
ونجيب بقا معلقة كاتشب كبيرة مع معلقة مايونيز كبيرة ومعلقة زبادي
ونقلبهم كويس مع بعض وهنخليه زي صوص كده بتحط ع السندوتشات وبيدي طعم حلو قوي
ودا بقى لو حد عامل رجيم مدلع زيي كده بتاع ساعه اه واسبوع لاء
وبالف هنا وشفا يا قمرات
ومتنسوش التقييم
والدعاء ليه بالذرية الصالحة مواضيع هذا القسم برعاية
Part of moon Part of moon 34167_4.gif فتكات ست الكل Fatakat 34167 يااااااارب – يارب ارزقني الذرية الصالحة عاجلا وليس اجلا