وصفتنا انهارده سهله خالص
سمك فيليه مقلى ومقرمش وشيش سمك ولا اجمل
وطبعا بنقدم جنبه الرز والسلطه الخضراء وطبق الباذنجان الجامد جدا
نبدامع بعض
الفيليه
ده سمك فيليه بلطى بس ممكن بقشر البياض او الباسا اللى تحبيه تغسليه وتصفيه وبعدين نضيفله التتبيله وننقعه فيها بتاع ساعتين
التتبيله(ملح وكمون وشطه وتوم مفروم وكارى وليمونتين )
طبعا انا مقطعاه قطع متوسطه الحجم
وبعد مرور وقت النقع نطلعه عشان نقليه
باستخدم عجينه من الدقيق والميه ومتبله بالملح والكمون والفلفل الاسود وممكن شطه وده قوام العجينه
ساعات باحط بيضه وساعات لا ونفس العجينه دى تنفع للجمبرى المقلى
بنحتاج كمان بقسماط
نبدا نتبل السمك الاول فى دقيق وبعدين العجينه اللى عملناها وبعدين البقسماط
وهنا تبلناه بس فى ناس عندى بياكلوه تقليدى يعنى مش بالبقسماط هههههههههه امزجه بقى
ندخلهم الفريزر ربع ساعه تشمع عشان التتبيله ما تنزلش فى القليه
يالله بينا نقليه
وطبعا نطلعه على ورق مطبخ يتصفى قبل التقديم
ندخل على تانى صنف
نقطع الفيليه بعد ما نتبله بالملح والثوم والليمون والكمون مكعبات
وبعدين نضيفله معلقتين كبار مسطرده ومعلقه كاتشاب ونسيبه منقوع ساعتين ونقطع طماطم وفلفل رومى واللى بيحب البصل يحط انا مش باحطه
ننقع اسياخ الشيش فى ميه لنص ساعه وبعدين نرص السمك بتاعنه فى الاسياخ كده
وهنا متجمعين سوا قبل الشوى
انا بحب اشويه تحت شوايه البوتجاز واقلبهم
تابعو الصور
وهنا التقديم مع بعض ومعاهم الليمون
وده الرز
وطريقته على السريع
بافرم بصله صفيره واشوحها فى الزيت مع شويه ملح وكمون وكارى واضيف الرز اقلبه تقلبتين وبعدين اضيف ميه تغطى الرز اغطى واسيبه يغلى وبعدين اهدى النار لحد السوا واهو الرز يا بنات مفحفح واصفر وجميل
وده السلطات والمخلل والبادنجان
وطريقه البادنجان فى الرابط ده
***طبق باذنجان جنان (ام حور كاتى)***
سلام يا قمرات اللى يعجبها الموضوع ترد ولو رد بسيط اكيد هيسعدنى ردك
مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر