السلام عليكم ورحمة الله وبركاته
منورين يا بنات
سلطه الفراخ بالتفاح والكارى طبق لذيذ جدا ومرطب فى الايام الحر وشهى جدا جدا يعتبر وجبه عشاء خفيفه او بين الوجبات مع عيش محمص وخس او ممكن تكتفى بيه بس .
نبدأ بسم الله :
المقادير :
قطع فراخ مسلوقه مقطعه مكعبات او بواقى فراخ مسلوقه قطعيها قطع صغيره
ربع كوب مايونيز
كوب زبادى صغير
2معلقه صغيره كارى
ملح – فلفل – سكر ( اقل من ربع معلقه صغيره )
الطريقه :
فى طبق غويط هنحط المايونيز مع الزبادى والكارى والتوابل ونقلب كويس جدا
بعدين نضيف الفراخ ونقلب
اخر خطوه نقطع التفاح مكعبات صغيره بعد تقشيره ونضيفه للخليط مع التقليب الجيد
كده خلصنا طبقنا نحطه فى التلاجه يشرب التتبيله
مغ ملاحظة ان كل ما يقعد مدة اطول كل ما الفراخ تطرى وتشرب من الطعم
جربوها على ضمانتى خفيفه وترطب فى الايام الحر
فى امان الله مواضيع هذا القسم برعاية
الاخت نهى الاخت نهى سوبر فتكات Fatakat 758077 القاهره – مصر