السلام عليكم
ازيكو يا حلوين
عملتلكو النهارده سبانخ باللحمه ورز بالشعريه
هقولكو علي طرقتي يارب تعجبكو
اول حاجه اللحمه هنغسلها كويس ونحطها في مايه مغليه مع بصله وحبهان
جبنا السبانخ ومعاها حزمه كسبره خضره وقطعنها صغير
والسبانخ البلدي بتبقي صغيره مش طويله الطويله ديه مبيبقاش ليها طعم
فدوري علي السبانخ القصيره
هنا البصله قطعنا بصله مع 5 فصوص توم عشان نشوحهم
للتسبيكها وانا اخدت كام حتت سمين كانو في اللحمه
شوحت بيهم البصله مع معلقه سمنه بتدي طعم جميل للسبانخ
هنا هنحط الطماطم الي ضربناها في الخلاط عشان تتسبك
للسبانخ
هنا الطماطم اتسبكت ونزلنا السبانخ عليها وقربت علي سوي
في الوقت ده قشري راس توم صغيره وحطيها في الهون
معاها معلقه كسبره نشفها
وحمريها في حتته سمنه وطشيها علي السبانخ زي الملوخيه
بالظبط
هنا الرز حمرت الشعريه في معلقه سمنه ونزلت عليها بالرز وعيرت
المايه والملح وسبته لما غلي وطيت عليه لغايه لما استوي
هنا السبانخ استوت وده طبق سبانخ بالحمه عشان متقولوش
ضحكت عليكو
وهنا طبق سبانخ وطبق رز بالشعريه
حسبي تكلي صوبعك وراها لانها تحفه
بجد وريحتها قلبت الدنيا
اتمني تكون وصفتي عجبتكو
واخر حاجه دعوه حلوه منكم ربنا يخليلي ابني ويرزقني بالحمل قريب
في امان الله
سلام يا حلوين
اه متنسوش التقيم
مواضيع هذا القسم برعاية
ام كيمو الامور ام كيمو الامور 466693_2.gif فتكات ست الكل Fatakat 466693 حلوان – مصر