ساندوتشات الكبده السهله من مطبخ ام حور وبالصور

ازيكو يا قمرات ان شاءالله تكونو بالف خير
الوصفه اللى جايباها انهارده سهله وطعمها جنان واكيد مش مكلفه خااااااااااالص ندخل فى الموضوع

نص كيلو كبده متقطعه شرايح رفيعه
فلفل الوان شرايح
معلقه توم مفروم
بصله متوسطه متقطعه شرايح
عصير ليمونه كبيره
ملح وفلفل وكمون
معلقتين صويا صوص ( اختيارى)
طماطم مقطعه مكعبات
وادى صوره المقادير مجمعه


نشوح البصله لحد ما تبقى شفافه وبعدين نضيف التوم والفلفل الالوان لحد ما يدبل وبعدين نضيف الطماطم والصويا صوص

وبعدين نضيف الكبده عليهم

وبعدين اول ما الكبده تبدا تدخل فى السوا نضيف عصير اليمونه والملح والكمون والفلفل

وبعد السوا تقدم مع سلطه او مخلل وطبعا سلطه طحينه وما ننساش عيش الساندوتشات وبالف هنا
ده الشكل النهائى يا قمرات يا رب يعجبكو

ياللا السلام عليكو اسيبكو بخير مواضيع هذا القسم برعاية

ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر

سبحان الله و بحمده