السلام عليكم
بصوا انا بجد اتخنقت من كتر الفتاوي اللي عماله اقراها على النت
الحامل متاكلش كذا وكذا وكذا ولو اكلت هيحصلها تشوهات واجهاض
اهو انا بقى حبيت اريح نفسي واريح اللي نفسهم ياكلو حاجة معينة وسالت الدكتور عادل فاروق البيجاوي
كان سؤالي كدا ….
عندي استفسار يا دكتور من فضلك بخصوص بعض الاكلات وتاثيرها على الحمل
الطحينة والحلاوة الطحينية
الباذنجان
الكبدة
هل الاكلات دى مضرة بالحمل في الشهر التالت والرابع من الحمل
لان بسمع اقاويل كتيرة انها مضرة وتسبب اجهاض وتشوهات لا قدر الله
ايه مدى صحة الكلام دا والف شكر مقدما
رد الدكتور كان كدااااااا
لا ضرر هذا ليس علما
طيب ايه سبب بقى اللي بيقول ان الكبدة واكلها ممنوووع وغلط دى بتعمل بلاوى
اقولكم
الكبده غنية بفيتامين أ .. الفيتامين دا لو زاد اوى في اول 3 شهور لا قدر الله ممكن يعمل تشوهات
يعني معقول مفيش اى اكل بناكله يحتوي على فيتامين أ غير الكبده ؟؟؟
اكيد فيه كتير …. ومع ذلك بناكله
هل معني كدا نحرم نفسنا وجسمنا من اكل حاجة معينة مفيده جدااا .. اكيد لا لاننا مش هناكل كبده كل يوم وبكميات كبيرة علشان يحصل كدا
اهم حاجة نسوي الكبدة كويس اوى ومنحرمش جسمنا من حاجة
وكل حاجة زياده اكيد هتضر الجسم حتى لو مش حامل
واللي بيقول بلاش الكنتالوب علشان مرشوش وبلاش منه
هو ايه يا جماعه من الخضار والفاكهة مش مرشوشين دلوقتي
يتغسلو كويس وناكل يا ناس خلى الواد يطلع مربرب
حبيت بس اقولكم على اللي عرفته واريحكم بدل كل شوية ما بيجلنا احباط من كلمة ممنوووع
وربنا يتمم لينا جميعا على خير يارب
So-Lo So-Lo 482117_1.gif سوبر فتكات Fatakat 482117 assuit – Egypt