ازيكم يااحلى البنات واطعم ستات
ستات وبنات فتكات
وحشتووونى موت
تعالوووو هقولكم على اختراعاتى الغريبه
انا الايام اللى فاتت زهقت اوى من الطبيخ وقلت اخترع كفته وعملت مجموعه كفتات
الكفته انهارده كفته التونه
تنفع للدايت
المقادير
اللى انا عملت بيها وزودى حسب رغبتك ياست البنات
1- علبه تونه وصفيها من الزيت ولو مش دايت خليها بزيتها
2-بصله هنقلى بيها التونه عالنار
3-توابل عباره عن (معلقه كركم-معلقه فلفل اسود-معلقه كسبرة -معلقه توم مطحون وحبه ملح -معلقه زعتر)
4-ربطه كسبرة او بقدونس لكنى حطيت بقدونس
5-اربع معالق شوفان
6- بصله هنبشرها عالخلطه
7-بيضتين
8-علبه زبادى
9-اربع معالق دقيق سمولينا او رده
وادى المقادير بالصور
وحطيت التونه عالنار بالبصله
وبهرتها بالبهارات
وشوحت التونه بالبصله واخدت لون وخلطت الخليط كله مع بعض
وصبعتها ورصيتها فى صينيه مدهونه وعالفرن
وبعد ماطلعت ادى الشكل النهائى
طعمها تحفه عملت جمبها ارز ابيض
وسلطه زبادى بالتوم المطحون
وكان طعمها تحفه واحنا بنغطسها بالكاتشب
والله ولا فيها ريحه زفارة ولا اى حاجه
جربوها وادعولى واوعوا تنسونى من صالح الدعاء
اليوم ده كنت محتارة اعمل اكل ايهفى رمضان
وطبعا مش هنفطر تونه
فاخترعت باللى عندى
ادعولى وقيموا الموضوع بدل ماخلى دول يطخوكم حكم انا صعيديه شحط محط
احبكم فى الله مواضيع هذا القسم برعاية
شذى ياسمينه شذى ياسمينه 595627_5.gif فتكات ست الكل Fatakat 595627 الفروانيه – خبيره تجميل بالكويت