السلام عليكم ورحمة الله وبركاته
ازيكم يافتوكات ياحلوات ؟؟يارب تكونوا بخير وسعادة
اكيد كلنا بنزهق من الفطاروالعشا الروتيني وخصوصا الاطفال انا بقى جبت لكم الحل
والمطلوب حاجات متوفرة في البيت على طول نيجي للمقادير والطريقة
عايزين :توست -بيض -جبنة شرايح وشوية صغننين زبدة
وبعدين نجيب صينية ونفرشها بورق فويل عشان التوست مايلزقش
ونحط توستاية وندهنها بزبدة خفيفة ونحط عليها شريحة جبنة عشان الجبنة تلزق ومش تقع
بس انا دهنتها بجبنة كاسات (سايلة )
وبعدين نجيب التوستاية التانية ونخرمها من النص على شكل دايرة
وبعدين نحطها فوق التوستاية الاولانية
وبعدين نكسر البيضة ونحطها في النص ونرش عليها شوية ملح وفلفل
وبعدين ندخلهم الفرن لحد مايستوو
وده يبقى الشكل النهائي
وطبعا دواير التوست استفدت منها برضه في شكل جديد دهنتها جبنة سايلة وحطيت عليها ورقة خس وبعدين قطعة لانشون ومسكتهم بعود الاسنان
ودي صورة اقرب
ودي صورة للطبق وبالهنا والشفا
والطبق دة لاول وحدة ترد لي وتجبر بخاطري
يالا يافتوكات عايزة الردود تنزل زي المطر ومتنسوش تجربوها وتدعولي
مواضيع هذا القسم برعاية
الاميرة السنيورة الاميرة السنيورة 386850_2.gif فتكات متميزة Fatakat 386850 مدينتي الفاضلة – ؟؟؟؟؟؟؟؟؟؟؟؟؟