النهردة عاملة اكلة الاطفال والكبار هيحبوهااااااااااااا قووووووووووووووى
المقادير بقى
فرخة مخلية ومتقطعة حتت ومنقوعة فى خل وليمون
او اسلقيها لو للاطفال وفتتيها حتت
بطاطس مكعبات فلفل اخضر مقطع صغير
بصلة مقطعة صغير
فصين توم مدقوقين
التوابل النعمة فلفل اسمر كمون كسبرة ملح بهارات فراخ توم بودر
مايونيز وقشطة وجبنة كريم سايلة
مع الصور يلا الاول المقادير بالصور
الاول هنشوح البصل والثوم والفلفل تشويح بسيط بحيث تاخد لون بس مش تصفر
وبعدين نضيف البطاطس المكعبات ونشوحها بسيط
وبعدين نضيف الفراخ تتشوح مع الخضروات
وبعدين نضيف التوابل
وطبعا الفراخ هتنزل ميتها وهتستوى هيا والبطاطس ودى بعد ما استوت
ف الوقت ده نجهز الخلطة الرهيبة معلقتين طعام مايونيز ومعلقتين قشطة و3 معالق جبنة كاسات ونخلطهم
بعدين نحط الخلطة ع الفراخ ونقلبها
ونقدمهم وبالهنا والشفا خطييييييييييييرة
تقيمى بقى ان ربنا يخليلى يوسف ويبارك فيه دعوة منكم تسعدنى مواضيع هذا القسم برعاية
كيوت بيبى كيوت بيبى 297248_1.gif فتكات هايلة Fatakat 297248 المنصورة – مصر