دلوقتي بعد ماقيت كما البطة المتزغطه
قعدت افتكر ايام زمان واتحسر ايااام ماخسيت مرة كده 28 كيلو في شهر ياه مش عارفه ليه مش قادره اكرر ده تاني
مكنتش بعمل ريجيم على فكرة وكنت بروح بس عند دكتورة تخسيس مكنتش ماشيه على نظامها كنت بروحلها علشان في عيادتها اجهزة وخلاص وتصدقوا بالله؟ مكنتش بقف على الميزان كل اسبوع انا وقفت بعد شهر من لما بدأت اروح الجيم لقيتني نازله 28 كيلو بجد الميزان ده لعنه لعنه لعنه
كنت بس مقتنعه اني بخس بسرعه مذهله وعلشان كده كان بيحصل فعلا في الحقيقه ولا ايه الله اعلم
المهم والله قعدت افتكر الايام الجميله دي وقولت اقولكم كنت بعمل ايه كنت بنام واصحي بدري اوووي والله بنام بعد صلاة العشاء مباشرة واصحى الفجر يعني تقريبا كانوا 8 ساعات
كنت افطر زبادي و اروح للدكتورة الصبح( الدكتورة كانت 3 ايام بس في الاسبوع ) كنت بخرج من بيتي 7ونصف اكون عندها 9 العب رياضة واخلص 12 الظهر واروح
لاكنت بدوخ ولا بهفت ولا روحي بتروح ولا وشي خس بالعكس انا احلويت فجأة سبحان الله جايز لاني كنت فرحانه بالجو الجديد
على العصر اكل بطيخ فقط او رمان فقط مكنتش بقى مسميه ده الغدا ولا ده الفطار ولا ده العشا وممكن بالليل اكل معلقتين بامية او اي خضار كنت فرحانه اوي واحلويت اوي والله العظيم كنت بقيت شبه البت اللي بتقول بوس الواوا و ناس قالتلي اني ايامها كنت غاده عادل خالص مفيش اي وجه شبه بين الاتنين بس اهو الاحساس الداخلي بالجمال والراحه كان مأثر فيا اقسم بالله كنت بشع سحر و جاذبيه كده من كتر احساسي الداخلي الحلو صدق اللي قال ان الجمال بيبدأ من الداخل
دلوقتي بقى تخنت اوي وكتبتلكم موضوع قبل كده بوصف فيه حالتي الزباله ونفسيتي المدمرة وفي نفس الوقت مفيش دافع اني اكرر اللي عملته زمان
اه كانت ايام وعدت كنت لسه صغيره بقى و مخلصة اولى كليه وداخله تانيه فاستغليت الاجازة الكبيرة اللي بعد اولى دي
ليت الشباب يعود يوما لاخبره ماذا فعل فيا التخن
علما باني 24 سنه دلوقتي ومتخرجه من 3 سنين وحاسه اني 60 سنة
ultras.mazarita ultras.mazarita ممنوعة من المشاركة Fatakat 546164 المنصورة – مصر