الســـــــــلام عليكــــــــــم
انا من البنات الى كنت شايفه موضوع الريجيم ده فاشل جدا وعمرى ما هخس بس فجاه لقيت نفسى عندى اراده قويه اخس واوصل للوزن المناسب واكتشفت ان اهم شىء فى الريجيم الاراده مكنتش بصدق الى بيقول كده بس فعلا الاراده اهم حاجه معلش انا هطول عليكم بس علشان اشرحلكم بالتفصيل
وعن تجرب برده جربت الريجيم الكيميائى اسبوع دمرنى تماما واخر يوم والله كنت بموت ابعدو عنه تماما
بصو اول حاجه انا بعمل ريجيم طول الاسبوع واخر يوم باخده لغبطه باكل كل حاجه واليوم ده بحتاج فيه غسيل معده
وتانى حاجه انا كنت بعانى من قولون عصبى وبطنى منزلتش الا لما خدت علاج علشان البنات الى عندهم قولون
ثالث حاجه انا بستعمل برشام quick slim
ممتاز جدا واحسن من اورليستات انا جربت انواع كتير هو الشريط ب27 هو المفروض 3 مرات يوميا بس انا باخده مره بعد ادسم وجبه وغالبا بتكون الغدا وهو بيخلى الجسم يمتص 30 % بس من الدهون والموضوع ده هتلاحظوه مع الحمام خصوصا يوم اللغبطه
رابع حاجه متحاوليش يكون عندك امساك نهائى لازم تاخدى ملينات لان الامساك اكتر سبب بيعمل سمنه لان الاكل مش بيتضهم ولا بينزل من الجسم فبالتالى الجسم بيقعد يمتص دهون
نبدا بقى النظـام الغــــذائى
اولا الفطار : هو عباره عن رغيف سن الناشف وحسب حجمه بلاش نهائى بتاع الفرن بيكون فيه دقيق ابيض خلينا يا اما فى ريتش بيك او فرجللو لو ريتش بيك خدى رغيف انما لو فرجللو نص لانه اكبر
معاه بقى اى نوع جبنه بس طبعا مش اكتر من شريحه انا ساعات كنت باخد شيدر واحده بريذيدون حته جبنه بيضا نص شريحه تركى او بيضه مسلوقه او مثلا بجيب مقلايه بس مبتلزقش الاكل وامسح بمنديل المقلايه بزيت زتون واقلى فيها بيضه مع شريحه واحده بسطرمه او بيضه بس عادى وطبعا ممكن جبنه قريش حته كده .. حاجه واحده بس من دول مع الرغيف ممكن بقى علشان نسد النفس لو لسه جعانه فنجان نسكافيه بمعلقه لبن كده مش لازم خالى الدسم وبلاش سكر او سكر دايت او اى مشروب لان كل المشروبات زى كركديه ينسون تيليو شاى او شاى اخضر كل دول مفيهمش اى سعرات
بعد الفطار بساعتين : اى نوع فاكهه ماعدا مانجو او تين او عنب ممكن موزه او ربع شمامه لو كبيره او شريحه بطيخ او خوختين او برتقاله او 4 مشمشات او 2 كيوى اى نوع وحددو من خلال الشعرات متزدش عن 100 والافضل يكون الاقصى 75 او 85
ثانيا الغــــدا : بعد الفاكهه ب3 ساعات او لو مش قادره خليها ساعتين نص رغيف عيش سن طرى او بالرده الاسمر ده تمام ومعاه اى حاجه بس بلاش مكرونات او رز او بطاطس او لو طفاسه بلاش اكتر من معلقتين بس مره فى الاسبوع بس واى حاجه موجوده باميه او بسله بس قللى جزر اى نوع خضار عمتا بس متحفيش يعنى 4 معالق كده او ربع فرخه سواء صدر او فخد او سمك او شريحتين لحمه شوى او بيضتين مع شريحتين بسطرمه او جبنه قريش وممكن تعمليها ببيضتين او بالطماطم والخيار وكده واى حاجه هتتعمل عالناس ومحتاج زيت هى مسحه زيت زتون او كفتتين اى اكل موجود عادى بس طبعا بلاش دسم وانتم اكيد تقدرو تميزو والباميه والحاجات دى تاكلوها عادى زى الى بتتعمل العاديه مش من غير زيت وكده ممكن تعملو شاورما فراخ بطريقه دايت او ممكن تونه معلبه بس شيلو الزيت منها خالص صفوها
بصو عمتا هى الفكره كلها بتتحكم بالسعرات يعنى شوفى سعرات الحاجه عالنت وحددو من خلالها
بعد الغدا بساعتين : اى نوع فاكهه ماعدا مانجو او تين او عنب ممكن موزه او ربع شمامه لو كبيره او شريحه بطيخ او خوختين او برتقاله او 4 مشمشات او 2 كيوى اى نوع وحددو من خلال الشعرات متزدش عن 100 والافضل يكون الاقصى 75 او 85
العشـــــــــاء : بعد الفاكهه بساعتين اى حاجه خفيفه شريحتين بطيخ او زبدايه او فاكهه عمتا افضل علشان يكون خفيف لان العشا اكتر حااجه بتخن
بالنسبه لرمضان بقى الغدا هيكون الفطار
الوجبه الى بين الفطار والسحور الفاكهه
والفطار هو السحور
انا الريجيم ده خسسنى كتير اهم مافيه السعرات وطبعا لازم رياضه وحركه واهم ما فيه برده تنظيم الوقت
وتقريبا معدل السعرات ليا باخده 900 او 800 وانا وزنى 77 لو الوزن اكتر يبقى زودى لو اقل قللى كل ما وزنك يقل قللى الاكل حاجه بسيطه
وفتكات عامله موقع بيوضح السعرات وكده علشان تعرفى منه
https://diet.fatakat.com/diet.html
وعاملين حساب لمعدل السعرات ليكى استعملى نصه بس او اكتر حاجه بسيطه
يعنى انا المعدل بتاعى بالظبط 1736 باخد 900 او 800 بس
وطبعا انا باخد برشام زى ماقولت ده بيساعد كتير ورياضه ويوغا وكده
وربنا معانا كلنا ويعينا
Princess Hagar Princess Hagar 624079_14.gif سوبر فتكات Fatakat 624079 اسكندريه – مصر