السلام عليكم ورحمه الله وبركاته
ازيكم يا احلى بنات واحلى ستات فى الدنيا
جايبالكم النهارده بقى الرقاق المصرى المالح والحلو واكيد بالصور
ان شاء الله اللى هتاخد منى الوصفه دى مش هتبطل تعملها ابداااا وعلى ضمانتى
باذن الله والعيد جى بقى واللحمه هتبقى كتير وهتروق وتحلى هههههههههههههه
يالله بقى ندخل على الوصفه بدل كتر الرغى دة ههههههههههههههه
اول شى هحط معلقه سمن واقلى فيها بصله
وانا هنا فرمت فصين ثوم مع فلفل احمر واخضر ونعناع اخدت معلقه من الخليط دة وهحطها على البصل واقلب ودة مش ضرورى هو بس للنكهه مش اكثر
هنا البصل احمر
هضيف عليه اللحمه المفرووومه وانا حطيت مشروم مقطع بردة مش ضرورى انا بس بحبه على اللحمه المفرومه
وهنا عصير طماطمتين
وهحط مكعب ماجى بردة اختيارى بس هو بيخلى الطعم احلى
وبس اسيبها تتسبك وهحطها فوق الرقاق
ودة شكل الرقاق المصرى عظيمه يامصر ياحبيبتى اللى لما شوفت اسمها مكتوب على الكيس قلبى قعد يرفرف وحسيت بشوق وحنين لمصر وللاهل والاصدقاء وحتى تراب مصر الطاهر يارب يحفظها ويحفظ المصريين فى كل مكان بس بقى دموعى نزلت و
وهنا انا هسقيه بالشوربه الدافيه هسقيه مش اغرقه يعنى يكون ماسك نفسه
وهنا هحط معلقه سمنه واحدة فى الصينيه
وهنا هرص اول رقايقتين
وهنا هحط اللحمه المعصجه
وهنا هغطى الصنيه برقاقتين كمان و هعمل خليط مكون من بيضه ومعلقتين سمن مش زيت السمن بيطريه اكتر وكمان معلقتين لبن وفلفل اسود واخلطهم واحطهم على الوش
وجرى على الفرن ههههههههههههه
وهنا لما طلعت ياجماله ياجماله هسقيه بنص كرنيب شوربه عشان يطرى ويحلو مش كتير فنجان يعنى وارشه على الوش واغطيه بفويل وهسيبه يرتاااح شويه واقطعه وبالف هنا وشفا والله يابنات جميل ومورق وبجد ملوش حل
يالله بقى ورونى احلى تقييم واحلى تشجيع واللى هتقيم لها الصنيه دى كلها هديه مش طبق بس انا كريمه على الاخر اهوة ههههههههههههههههههه
وكل سنه وانتواااا طيبين ياحبايب قلبى وعيد سعيد عليكم وعلى جميع المسلمين مواضيع هذا القسم برعاية
سهر الامارات سهر الامارات 117614_1.gif فتكات هايلة Fatakat 117614 راس الخيمه – الامارات