السلام عليكم
الاول عايزة اقول حاجة ..
انا عارفة ان رصة النيش دى ممكن ماتعجبش ناس وتعجب ناس تانية
لان فى ناس بتحب البساطة والهدوء وناس تانية تحب تحط ف النيش حاجات اكتر من كدة
وطبعاً كل واحد واللى يحبه ويرتاحلة
انا بحب اشوف حاجة تريح عيني .. والحمد لله انا جايبة حاجات حلوة وشيك بس مش مقتنعه انى احط كله ف النيش
يعني اكتفيت بحاجات بسيطة والباقى ف البوفية
حتى فى حاجات الناس اللى فرشت معايا قالتلى بلاش مطبخ خليها نيش
بس انا حبيت اشوفه رايق ورقيق
والضيوف يعني ندلعهم واحنا لأ ولا ايه
طبعاً النيش مودرن فبالتالى مافيش مفارش
دى صورة للنيش بس فى جزء تحت .. معلش لانى ماكنتش عارفة انى هنزلهم ف فتكات
فى بنات طلبته منى فنزلته عشانهم
ده رف ف نص .. فيه طقم قهوة ابيض .. الطبق بتاعة خارج منه جزء حطيت فيه 3 كريستالات باللون التركواز والابيض
والكاسات دى Rcr حطيت فيها شعر ملون لون روز
الجزء اللى فوق معلش مش باين اوى
هو فيه طقم الخشاف بفيونكات روز .. طبعاً ملاحظين ان النيش اغلب الوانة ابيض وروز وتركواز
حبيت انظم الالوان عشان العين ماتحسش بنشاز
وفوق الكاسات دى فيها كريستالات من تحت ومن فوق شعر ملون وقلباهم
ده طقم الصيني من تحت
طبعاً انا عارفة انه رايق ويمكن يبان فاضي شوية بس انا حبيته كدة ومقتنعه بيه الحمد لله
شايفين الكاسات المقلبظة دى والكاسات اللى بترقص
ده اقرب شوية .. فرقت الكريستالات بشكل بسيط جدا
فى درجين تحت فيهم شنطة المعالق والصوانى
وعلى فكرة الدرف ازاز كلها لانى حبيت الرصة تكون واضحة
وهبقى اصورلكم البوفية مرة تانية لما اروح ان شاء الله
—
على فكرة انا حبيت كمان ف الرصة انى اقدر انظفه بسهولة لانى كنت بشوف صور وكنت هموت واعرف النيش لما نحب ننضفة هنعمل ايه
بس كدة قولولى رأيكم ايه ودعواتكم يابنات[/center]
Wedding Bouquet Wedding Bouquet 616305_17.gif فتكات رائعة Fatakat 616305 فيصـــل – مصـــ❤ــــر – الجيـــــزة