السلام عليكم ورحمه الله وبركاته يابنات
موضوعى هو رجيم لفتره الرضاعه وده اخدته من دكتوره للتغديه العلاجيه والسمنه
انا لسه والده من شهر تقريبا وكنت عايزه انظم فى اكلى علشان اخس فقلت لازم اخس صح علشان انا برضع طبيعى فامااظلمش نفسى ولا اظلم البيبى اللى معايا قررت اروح لدكتوره واتابع معاها وقالتلى على النظام ده يالا نشوفه:
الفطار : وبكون بدرى طبعا يعنى اخرك الساعه 11 ويعنى عندك فتره الفطار من 5 الفجر حتى 11 قبل اذان الظهر تمام كده وده ثابت كل الايام وهيكون
شاى بلبن او لبن ساده او نسكافيه باللبن منزوع الدسم طبعا
+
2 او 3 توست ناشف
بعد 3 ساعات:بيضه مسلوقه او زبادى منزوع الدسم او كوب لبن منزوع الدسم برضه
الغدا ء:وده هينقسم على مرحلتين الاولى وهتكون :
سلطه خضراء +خضار +واحد فنجان ارز او مكرونه او بطاطس او نص رغيف عيش بلدى اسمر
تمام كده لحد هنا فاهمين اللى مش فاهم حاجه يقولى هههههههههههههههههههههه
المرحله التانيه من الغداء :وهتكون بعدها بساعتين وهتكون عباره عن بروتينك اليومى
وهتكون عباره عن لحم او سمك او فراخ او ارانب او كفته مشويه او فول او عدس او جبن قريش
اختارى ماتشائى منهم
كده الغدا خلص
بعده ب 3 ساعات ثمره فاكهه وهقولك بعدين قائمه الممنوعات من الفاكهه
بعدها بساعه اشربى كوب عصير فريش بدون سكر ولا حتى سكر دايت وان كان ولا بد مسموح بمعلقه واحدهاو معلقتين طول اليوم
العشاء :بتاخدى واحده ذبادى منزوعه الدسم
او
فاكهه صنف واحد باى كميه
الممنوعات من الفاكهه المانجو والعنب والتين والبلح والموز
الخضار المسموح به فاصوليا _كوسه_ باذنجان_سبانخ_خرشوف_باميه _ملوخيه
كل الخضار ده بقى اهم شئ انه يطبخ بمعلقه واحده فقط زيت ذره وتبليه عادى براحتك وبالبصل والثوم براحتك يعنى
اهم حاجه بقى شوفى الاتى:
1_اشربى 2 كوب ماء يوميا على الريق وقبل الفطار بنص ساعه او ساعه على الاقل
2_ الحركه امشى يوميا لو لنصف ساعه ماشيه العسكرى ههههههههه
3_مسموح بتناول معلقه او اتنين سكر طول اليوم
4_ ممنوع استعمال الدهون نهائى الا معلقه زيت ذره
5_ممنوع تناول :السودانى _المكسرات_ المستيكه _الحلويات_ المخللات _المياه الغازيه
6_عند الشعور بالجوع بين الوجبات بعد ساعتين من الوجبه يمكن تناول خيار او خس
7_السوائل مسموح بها : ماء_كراويه_كاركديه _ينسون _نعناع_ليمون_شمر _كرفس_شاى اخضر
8_اتنيين كوب لبن يوميا منزوع الدسم وده علشان الرضاعه
واتنيين كوب عصير طبيعى
ومن 12 الى 14 كوب ماء يوميا
وده طبعا علشان الرضاعه
يارب اكون وفيت فى الشرح والافاده اللى يعجه الموضوع ياريت يدعيلى بظهر الغيب ان ربنا يبين لى الظالم من المظلوم ان حتى ولو فى سرك مش شرط تكتبى الدعوه وربنا يبارك فيكم
اى سؤال عايزه تساليه اللدكتوره اكتبه وانا هقولهولها وارد عليكم برضه فى نفس الموضوع
سماوملك سماوملك 141552_10.gif سوبر فتكات Fatakat 141552 عايشه فى قلب اسكندريه – مصر