السلام عليكم… ازيكم يا فتوكات…
انا عارفة اني داوشاكم معايا… معلش … بس بجد ماليش غيركم اسأله…
انا عندي تكيسات زي ما كلكم عارفين والدورة متلخبطة وكمان الشهر اللي فات الدكتور قالي انه في كيس ماية على المبيض الشمال… المهم… قريت كتير على النت عن البردقوش والمرامية ومفيش حاجة اتغيرت رغم اني واظبت عليهم حوالي شهرين… المهم… الشهر اللي فات الدورة اتأخرت 20 يوم… والشهر ده لما عملت تحليل حمل رقمي بعد تأخر الدورة بـــ 4 ايام لاقيت الهرمون زيرو… ورجعت عملت تحليل منزلي تاني بعد تأخر الدورة بـــ 10 ايام وبارضو شرطة واحدة… قررت اني اخد القسط الهندي بعد استشارة ناس عارفين في الاعشاب على النت… عشان ينزلي الدورة وبعد ماتنزل اوقفه وابدا اخده تاني بعد الدورة… وكان في اخت معانا هنا من فترة طويلة كاتبة عن انها كان عندها تكيسات واخدت القسط الهندي وفادها جدا وجاب معاها نتيجة في تظبيط الدورة والهرمونات وكمان قلل التكيسات…
اخدته 3 ايام بس ونزلت الدورة الحمد لله النهاردة… بس الغريب انها لغاية دلوقتي قليلة جدا ولونها باهت جدااااااااااااااا كأنها نقطة دم ومكبوب عليها كوباية ماية… ومالهاش ريحة الدورة ولا حاسة بأي الم مع انها المفروض عشان التأخير بتخليني مش قادرة اتحرك من مكاني…. هو ده ايه بقى؟؟؟ طبيعي والا ايه؟؟؟ بالله عليكم اللي عندها معلومة تطمني واللي نتعرفش بس تدعيلي لاني بجد في غاية الهم… ومعلش اني عكننت عليكم فرحتكم بالدكتور مرسي…
شغب أنثى شغب أنثى 247351_1.gif فتكات متميزة Fatakat 247351 مدينة نصر – مصر