دليل النظافة الشخصية على مدونة فتكات .. هاتخرجى من الموضوع بتبرقى كدا .. للصحة 2024.

السلام عليكم ورحمة الله وبركاته

—————————————-

انا مش عارفه اذا كنت هاعرف اعمل الموضوع ، زى ما انا عايزة ولا لا .. بس هاحاول انى انظلم المعلومات بحيثث الناس تستفيد منها ..

————

الموضوع بيتكلم عن النظافة الشخصية ، وطبعا دا للمرأة ..

مقدمة :- قال حبيب قلوبنا صلى الله عليه وسلم "صلو عليه" : النظافة شطر الايمان

وقال ايضا "صلو عليه" :- النظافة من الايمان

فالنظافة الشخصية .. والاعتناء بها دائما ، وقاية من جميع الامراض الا ما اراد الله .. ان يصيبنا به ، اللهم اعفنا

قولو "آمين"

——————–

النظافة يا جماعه شئ سهل ، وغالى جدا .. ومع ذلك فهو رخيص ثمناً .. لازم نحافظ عليه ، لأن دى مسؤلية علينا ، هانتسأل عن الصحه بعدين !!
بتبتدى من العين والشعر والانف حتى اظافر الاقدام

وكل شئ هايتم شرحه بالتفصيل !!

=====================

1- نظافة الشعر

الشعر نظافته ، كام نقطة كدا

* نظافة الشعر نفسه ، يعنى من التراب .. والاوساخ اللى بتصيبه ، والاستحمام كل اسبوع تلات مرات ، وغسل الشعر اثناء الاستحمام حلو ، بصابون حلو .. يغنى عن متاعب قد يضاعفها مجرد وجود التراب الى :-

*القمل ، وبالتالى بنخش فى متاعب ، او بمعنى اصح بندخل نفسنا فى متاعب مش ادها ..وساعتها ، لازم التسريح المشط ذو الاسنان الدقيقة ، او بالعامية الــ"فلايه"

https://t2.gstatic.com/images?q=tbn:A…5apyw9jonQ&t=1

معظمنا عارفها .. مهمة جدا ، وفى حالة القمل دى ، لازم نستخدم شامبو او زيت للقمل ..

*ريحة الشعر ، برضه الريحة الوحشة بتاعة الشعر عادة ما بتكون من عدم نظافته .. ساعتها لازم يتم استخدام صابون قوى ، لأن مادام فى ريحة للشعر يبقى الشعر محتاج نظافة جامده ، والا هاتنقلب للنقطة التانيه !! القمل يعنى .. نصيحه منى استخدمو صابون اسمه نابلسى شاهين ، وبعديه ممكن تستخدمو شامبو لو عايزين يبقى له ريحة حلوة !!

*مشاكل الحجاب ، والكلمة دى نفسها غلط ، الحجاب عمره ماجاب مشاكل للشعر بالعكس دا بيحميه .. لكن المشكله فى اللى بيبقو وقت طويل برا البيت ، وبالتالى شعرهم بيتغطى وقت اطول !!
ساعتها بيبقى فى مشاكل بسيطة :-
عرق الشعر
كتمته
طب نحد من المشكلة دى ازاى ؟؟ … اما ترجعى البيت وتفكى الطرحة ، افردى شعرك ، وسرحيه براااااااااحه جدا وحاولى تبعديه عن بعضه اقصى امكانك .. بحيث يرتاح .. مثلا لمدة ربع ساعه .. طبعا علشان العرق بيخلي الشعر ريحته مش ولا بد وكمان مش بيبقى نضيف اوى !! بالتاالى لااااااااااازم لاااااااااااازم يتغسل .. وبرضه براحه وبصابون عادى .. بلاش القوى ! وماتسرحيهوش بعد الاستحمام على طول ؛ لأن دا بيأدى لتقصفه وتكسره وهيشانه

——————————

طبعا مش هاول فى الشعر لأن ركن الشعر ماشاء الله موسوعه ومش محتاج ..

——————————

2- نخش على الوجه :
زى الشعر تمام … فى بعض الحاجات المهمة او النقاط المهمة اللى هانتكلم عليها فى الوجه

*نظافة الوجه :- لو الواحد بيتوضى كل يوم .. بالتالى هاتغسلى وشك حوالى
5صلوات × 3مرات = 15 مرة
ساعتها اكيد الوجه فى اى وقت هايكون نضيف .. ودا الحاجه الاكتر ظهورا فى جسمك كله !! يعنى التراب بتاع الشارع ، والدقيق بتاع الكيكة ، والمسحوق بتاع الغسيل .. والخ .. لازم تنضفى وشك منه ، لأن دا ممكن يدخل الاوساخ دى العين او الفم او الانف ، وبالتالى لازم يحصل تدهور فى حاجه فى الجسم .. يعنى لما تبلعى حاجه غير صحيه .. ممكن يبقى فيها خطر على صحتك !!

*شعر الوجه:- من النظافة برضه التخلص من الشعر الزائد فى الوجة .. لأن دا بيشوه الوجة .. وبعيد عن الحواجب ، فأنا ارى ان تنظيف الحواجب وترتيبها ليس حرام !! والله اعلم ..

*الاسنان :-

الاسنان عنوان الضحكة .. زى ما النبى كان عايزنا نغسل سنانا بالسواك .. لازم يبقى معانا سواك وفرشاة اسنان ومعجون

والسواك ارخص ما يمكن .. ولكن فوائده عظييييييييييمة جدا

*رائحة الفم :- من اهم الاشياء التى يلتفت اليها الناس اتناء الكلام ، بعد اكل شيبسى ، او هامبروجر ، لازم يكون معاكى لبان اى نوع ، لأن الاكلتين دول بالذات بيسيبو فى الفم اثرهم ، وهو دا اللى بيعمل الريحه .. وكمان هما مش اكل صحى اوى !!
بعد اى اكله ، وحصوصا التوم والبصل .. بعض البقدونس يكون كويس اكله من غير حاجه معاه !! شرب النعناع والكركديه والينسون من الحاجات اللى لازم ننتبه ليها .. لان دى كنووووووووووز

3- النظافة البدنية :-

مجرد اننا نقول نظافة بدنيه يبقى احنا بنتكلم عن الصحة عامة .. الاستحمام اليومي او "الدش" ممكن من غير ما نبل الشعر .. كافى لنظافة البدن
نظافة البدن او الجسم تنقسم الى :-
– النظافة العامة :- ومقابلها الاستحمام !!
-الاماكن المختلفة فى الجسم وهى التالى :-
* تحت الابط :- ودى بتنقسم لحاجتين :-

اولا:- العرق :- ودا بنتحلص منه عن طريق حاجتين :-
الاستحمام اليومي
وازالة الشعر من المنطقة
((طبعا فى حاجات مزيلة للعرق طبيعيه وصناعيه ، لكن مش موضوعنا))

ثانياً:- الشعر :- ودا بنتخلص منه بطرق متعدده .. ولكن المهم هو ازالته ، والمداومة على ذلك .. كما امرنا النبى ((صلو عليه))

* العانه:-
والمنطقة دى يمكن من اخطر المناطق اذا لم يتم تنظيفها بشكل جيد .. وهاجيب لكم كلام كويس كوبى وبست .. علشان الكلام يبقى واضح!!

(( داعي لأن تقوم المرأة بعمل "دش" مهبلي أو ما شابهه، فالمهبل السليم ينظف نفسه بنفسه. بل يجب غسل الأعضاء

الخارجية واليدين بالماء والصابون المناسب لكل امرأة بعد تغيير الفوط 4 – 5 مرات يوميا، أو كلما كان ذلك ضروريا

خلال الدورة الشهرية، أو في حالة وجود سلس بولي. أما إذا كان هناك التهاب بولي جرثومي فيجب الإكثار من شرب

الماء حتى يزيد في التبول الذي يغسل الكلى والمثانة ويجرف معه الجراثيم للخارج فيقلل مضاعفات الالتهابات، وهذا

ينطبق على من تعاني من وجود أملاح أو حصوات بولية. ويجب تجفيف المنطقة بفوطة قطنية؛ لأن بعض المناديل الورقية

قد تسبب حساسية، كما يجب أن تكون الملابس الداخلية قطنية كذلك؛ لأن الملابس الصناعية الضيقة قد تسبب التهابات

وفطريات وتسلخات موضعية مزعجة))

ونخش على جزء تانى من النظافة الشخصية للمرأة :-

——————————————

اثناء الدورة الشهريه :-

هنا اخطر وقت ، على البنت فيه عدم النظافة .. وهنا بتكون البنت نضيفة او مش نضيفة ، سامحونى .. لكن الكلام دا هاتعرفوه يا بنات لما تتجوزوا واسألو اللى سبقوكوا
الفوط الصحية .. لازم تتغير بانتظام .. لأن دم الحيض فى الطبيعي بيكون نضيف ومن غير ريحه ، واللى بيلوثه الهواء الجوى ، وبيكون جراثيم ، وبالتالى الريحه بتظهر..
ودى ارشادات .. انظافة المهبل:-

1 عدم أستخدام الفوط الصحية الخاصة بالحيض إلا في فترة الحيض فقط

2 عند الأنتهاء من التبول أو التبرز قومي بتنظيف المهبل من الأمام إلى الخلف منعا لنمو البيكتريا

3 عند الخلود إلى النوم أو أثناء الجلوس في البيت يفضل عدم أرتداء السراويل الداخلية لتوفير التهوية الجيدة للمهبل

وعدم وجود الرطوبة التي تسبب نمو البيكتريا ( ويفضل عند إرتداء السراوي الداخلية من أجل إرتداء الفوطة الصحية أن

تكون السراويل من القطن )

4 تجنب إرتداء البنطلونات الضيقة وحتى السراويل الداخلية الضيقة لمنع الرطوبة التي تكون البيكتريا

5 يفضل أن تكون الفوط الصحية التي تردينها من القطن لأن الفوط المصنوعة من النايلون تضر بشرتك خاصة عند

منطقة المهبل

6 تغيير الفوطة الصحية خاصة في فترة الحيض. تحديدا في ( الأيام الأولى من الحيض ) كل أربع ساعات ثم بعد ذلك

يكون تغيير الفوطة كل ثمان ساعات .

( ملاحظة هامة جدا )

يجب تنظيف المهبل مابين تغيير الفوطة المستعملة و إرتداء الفوطة الجديدة

———————

هنا معنى الرطوبة ، انه يكون مثلا الملابس الداخلية اتبلت من ميه او كدا ، او تكون الافرازات المهبلية موجوده

وبالتالى فى اى وقت .. لازم يكون الملابس الداخليه نضيفه وناشفه جدا .. وطبعا العرق والكلام دا كله ، لازم يتنضف

وياجماعه ، المنطقة دى بيتكون فيها بكتريها بسهولة .. لازم المنطقة دى تتنضف يوميا ..

بس كدا

ودى شوية مواضيع .. علشان يبقى فى دليل النظافة الشخصية هنا فى الموضوع دا

———————–

https://fatakat.univanet.com/#102893

موضوع بتاع العضوة الجملية:- نور 79

النظافة الشخصية ليكي يا فتوكة

——————–

الموضوع دا مكرر ، وهو نفس المحتوى والمضمون

https://fatakat.univanet.com/#1046393

للعضوة :- روجى العسولة ..

واسمه ملف عن النظافة الشخصية

——————–

ودا كمان مكرر

https://fatakat.univanet.com/#105573

للعضوة :- a&m

ملف كامل عن النظافة الشخصية
—————————–

https://fatakat.univanet.com/#197285

موضوع العضوة المميزة :- maroadel

معلومات مفيدة عن النظافة الشخصية

——————

https://fatakat.univanet.com/#158398

ودا موضوع مميز من العضوة القمر :- sandra ساندرا

افضل وسائل النظافة الشخصية الطبيه

—————–

https://fatakat.univanet.com/#154982

دا للعضوة المميزة :- هبه مجدى

النظافة الشخصية والدورة الشهريه

————–

ودا انا نقلت منه بعض المقتبسات

https://fatakat.univanet.com/#360543

للعضوة : اكا

واسمه النظافة واهميتها للمرأة

——————

ودا موضوع راااااااااااااااائع ، للأخت الكريمة :- اميرة حبى انا

https://fatakat.univanet.com/#192058

أشياؤك الخــاصة جداً ،،كيف تهتمين بهــا * للمراهقات و لكل أنثى * خاص بالنظافة الشخصية

——————————

ودا مهم جدا

للعضوة الجميلة :- sasab

https://fatakat.univanet.com/#20171

سعادة زوجك تبدأ من نظافتك الشخصية

=======================

ان شاء ا لله انا عايزة اخلى موضوع مختلف شوية ، بأنه هايكون ان شاء الله يعنى .. دليل للنظفاة الشخصية

اتمنى الموضوع يعجبكم
ومحدش يخش الا لما يدعي لى .. انجح دايما ، وادخل الكلية اللى اتمناها ، ومن قلبكم ارجوووووووووووكم

pearl20 pearl20 فتكات متميزة Fatakat 377808 القاهره – مصر

سبحان الله و بحمده