السلام عليكم يا فتوكات
انا لسة راجعة من مول توشيبا حبيت انقل لكم البث المباشر
بدون اى ترتيب خالتى قالتلى عايزة اشترى LCD تعالى معايا امال مين ايلى هيشيل الشاشاة باعتبار انى هركليز تقريبا المهم رحنا يا قمرات الاول هبدأ معاكم من البداية
المكان سنتر كبير لتوشيبا العربى
المكان فين : فى العباسية خلف محل 6 أكتوبر واستديو صوت القاهرة وايلى قريب من المكان عارف ان اسمها المنطقة الصناعية وممكن ليها لفة برضة توصليلها من ناحية تاكى لـ ايل يعرفة
المهم احتياطات امن غريبة شوية بس ما علينا اخدوا البطاقة وادونى رقم اعلقة فى رقبتى انا بقى تنكة شوية قولتلهم لالالالا وحطيته فى شنطتى طلعنا الدور الثالث وهو ده ايلى فية المبيعات فية اية بقى يا حلوات يا قمرات
فية الفرز الثانى لكل الاجهزة الكهربائية صنع توشيبا العربى
طيب قولت للبائع يعنى اية فرز ثانى قالى للتلفزيونات الكرتونه بتكون مقطوعة شوية بس كاملة ومش ناقص منها حاجة لاننا اشترينا التليفزيون وهو جوة الكرتونه زى الفل طلعوا جربهولنا بكل محتوياته ورجعه تانى الكرتونه
والخصم كان كام يا قمرات 10% الشاشة كانت بـ2017ج اخدناها بـ1800ج ومفيهاش خدشة اهو 200ج حلوين برضة اهم ينفعوا فى اى حاجة تانية ممكن نشترى بيهم خلاص برضو من هناك
والثلاجات وهممممم بجد فى ايلى بابين وفى ايلى بتتفتح زى الشباك درفتين كان نفسى ادخل انط جواها وكل الاشكال والاحجام وفى برضو تليفزيونات عادية وخلاطات ومكانس دى شوفتها بـ1000ج الـ1200 وات قبل الخصم
الخصم يا بنات مش ثابت 10% لا فى خصومات 25% مثلا لثلاجات معينه بتكون البادى بتاعها من برة فى خبطة او حرفها داخل سنتمتر واحد لجوة مثلا
والمعرض ده دائم مش تخفيض لفترة معينه يعنى طول السنه وده كل ايلى اعرفة والله يا بنات
المهم انا حبيت انقل لكم التجربة واقولكم ايلى بتجهز وتحب تروح تشوف طبعا هناك فى الفرز الاول والثانى والتوفير حلو مفيش كلام
ادعولى بقى دعوة حلوة يا عرايس يا قمرات
اللهم من نوى بي شراً فإحفظني عنه ، و من نوى إيذائي فرد كيده في نحره ، و من أساء لي فأنت حسبي و نعم الوكيل
marwa maro marwa maro 351178_7.gif سوبر فتكات Fatakat 351178 القاهرة – مصر
سبحان الله و بحمده