منورررررين كلكم
وصلنا للجزء الثامن
وفالخير دائما يارب
وده الموضوع الخاص بالاستفسارات
اى استفسار سيبيه فالموضوع ده
خــــاص ((بأستفسارات)) ريجيم خسيت 25 كيلو فشهر
و دى لينكات الاجزاء الى فاتت
خسيت 25 كيلو فشهر ريجيم من الاخر
خسيت 25 كيلو فشهر ريجيم من الاخر الجزء التانى
خسيت 25 كيلو فشهر ريجيم من الاخر***الجزء التالت***
خسيت 25 كيلو فشهر ريجيم من الاخر ****الجزء الرابع****
خسيت 25 كيلو فشهر ريجيم من الاخر ****الجزء الخامس****
خسيت 25 كيلو فشهر ريجيم من الاخر ****الجزء السادس****
خسيت 25 كيلو فشهر ريجيم من الاخر ****الجزء السابع****
نيجى للبدايه الاساسيه
عشان الاسئله المتكرره
الريجيم ده ياجماعه مش كيميائى
هو بيعتمد على الغاء الرز والمكرونه والعيش
وطبعا الحلويات
بس مسموح ليكم بمعلقتين سكر فاليوم
وبالبطاطس المسلوقه مرتين فالاسبوع
يعنى ناخد بالنا احنا مش مانعين النشويات
بس بلاش مطبوخه ولا محمره
والفاكهه باى كميه ماعدا الممنوعات
الى هى المانجه والبلح والتين والعنب
والخضار باى كميه
مسموح بتناول البقول
يعنى شوربه عدس فول بصاره فول نابت
كله تمام
والبروتينات باى كميه
سمك مشوى مقلى لحمه فراخ كله شغال
وممكن تاكلى الفراخ محمره عادى
وممكن سمك مقلى عادى
والمقليات مرتين بس فالاسبوع
وطبعا اى مخبوزات ممنوعه
وممكن تشربى لبن وتاكلى زبادى وجبن
ومش لازم دايت او لايت
بس الجبن الممنوعه هى الشيدر والرومى
والنستو وكيرى طبعا
واى حد عنده انييميا او خايفه منها
تاخد معلقه عسل اسود كل يوم مع الريجيم
ومتخفش مش هيأثر
وطبعا اوعوا تنسوا اليوم الفرى
ده مهم جدا وتاكلى الى انتى عاوزاه فيه عادى
وده بيكون مره كل اسبوع
وتوزنى يومها الصبح قبل الاكل
لو جوعتوا بين الوجبات
مسموح وباى كميه
خيار_جزر_فلفل رومى_خس
بس مش مع بعض
وباى كميه عادى
بلاش كافى ميت ولا لبن بودره
ممكن عادى تاكلى كوسه بالبشاميل
او مسقعه
او قرنبيط محمر
بس اعملى توزان
يعنى لو حاجات فيها دقيق
زى البشاميل والقرنبيط
يبقا بلاش البطاطس المسلوقه
الى فالاسبوع مرتين
نكون اخدنا النشويات الى الجسم محتاجها
وفنفس الوقت منتخنش
ومش لازم رياضه
انا عملت الريجيم مرتين
مره كنت حامل ومره كنت برضع
ومكنتش بعمل اى رياضه
بس المهم الالتزام
واهم حاجه بلاش تركزى انك عامله ريجيم
وتفضلى توزنى كل يومين
وتتعبى نفسيا بعد اول اسبوع
انسى خالص
واشغلى وقتك
هتخسى متقلقيش مفيش شئ مستحيل
واهم حاجه لنجاح اى ريجيم
متقوليش لحد انك عامله ريجيم
ولما تنزلى تشترى حاجات البيت
هاتى الاساسيات بس
وبلاش تجيبى حاجات جانبيه
هتضطرى تاكليها لانها قدامك
بلاش تتفرجى على برامج اكل كتير
عشان هتفتح نفسك للاكل
لما تجوعى اشربى ميه
المعده مش بتعرف تفرق بين العطش والجوع
هتلاقى شعورك بالجوع راح
لو انتى كل يوم فوقت معين متعوده تاخدى حلويات او بتجوعى فالمعاد ده
اقرصى على نفسك مره واحده بس
تانى يوم مش هتلاقى الشعور ده
وهبوط الريجيم الى بيكون مصاحب للريجيم
بيكون نقص ميه فالجسم مش نقص اكل
اشربى ميه كويس
الموضوع محتاج اراده وعزيمه
لو جربتى نفسك وانتى رفيعه هتلاقى شعور مختلف تماما
كفايه ثقتك بنفسك
وده مثال يوم للريجيم
مش اساس للاتباع بس مجرد مثال
#659
طريقه تدميس الفول
#190
طريقه مسقعه دايت
#222
مشروبات للتخسيس
تجربه فتوكه رفيعه وليه عامله ريجيم!!
#791
اهم اسباب زياده الوزن
#54
واى اسئله عن اى معلومات
ضيفوها فالموضوع نفسه
وصحبات المشاركات هيفيدكوا ياقمرات
وانا احب اشكر قلب ايطالى ولينا 12 وsara888
لردهم معايا عالاستفسارات
ومتابعتهم الجيده
بارك الله فيكم يارب
وده موضوع الاستفسارات
خــــاص ((بأستفسارات)) ريجيم خسيت 25 كيلو فشهر
**احساس رقيق** **احساس رقيق** 124435_15.gif ملكة فتكات Fatakat 124435 قلب جوزى – بناتى