السلام عليكم ورحمة الله وبركاته
ازيكوا يا فتوكات يارب تكونوا جميعا بخير
انا جبت ممبار من جزار فمدينة نصر الفتوكات شكروا فيه اوي قلت اجربه انا كنت بجيب من سعودي اللي فغمرة بس بعيد عني اوي لاني فمدينة نصر المهم جبته فتحته لقيته ماشاء الله زي الفل انشكحت اوي وجايباه اصلا لاختي لان عندها عزومة وقالتلي يا ميمو اعمليلي الممبار بتاعك لاني معروفة بيه وبيطلع تحفة زي ممبار الرفاعي لو تعرفوه اللي فالسيدة المهم عملت خلطة اللحمة وطلعت تحفة كالعادة انشكحت اكتر حشيتة وحطيته يتسلق بعد ساعة الا ربع قلت اشوفه زمانه استوى لقيته لسه ناشف قلت سيبيه شوية كمان بعد نص ساعة لقيته ناشف بردو قلت حمري واحدة يمكن بيتهيالك حمرتها مبتتحمرش بسهولة(مبتلونش بسهولة) بدوقعا عشان اشوف السوى وبقطم لاقيت خير اللهم اجعله خير الكفته اللي جوه اتقطمت وطلعت فبقى والجلد اللي بره مبيتقطمش شدته بسناني جامد حسيت اني باكل كاوتش ببص فالجلد اللي بيبقى زيادة فطرف الممبار وفتحته بصوابعي لاقيته 3 طبقات كده انا اول مرة يحصل معايا كده قولولي يا جماعة الغلط فين وانقذ الموضوع ازاي دي عازمة حماتها ونسايبها قولولي اعمل ايه بالله عليكوا مواضيع هذا القسم برعاية
khaltabita khaltabita فتكات هايلة Fatakat 189966 القاهرة – مصر
سبحان الله و بحمده