السلام عليكم
انا صديقة نشيطة جدا مع فتوكات حبايبي بس اول امرة ادخل هنا
يمكن لان مفيش حد يسمعني
انا عايشة في السعودية من 3سنين مع بنتي وجوزي ملناش صحاب يمكن واحد ولا اتنين بنزورهم كل فين وفين وبالتالي نادرا لما حد يزورنا
المشكله ان الوحدة تعبتبني وبتخليني افكر في حاجات غريبة ومحدش يقولي اشغلي وقتك لاني مفيش اي طريقة اشتغل بيها او يكون في علاقات اجتماعية الا عنىةطريق النت اكلم امي اواهلي
المشكله اني من حوالي اسبوعين مرة واحدة كده وانا قاعده لقيت نفسي مش قادرة اتكلم وفي حاجة كاتمة علي صدري وحسيت ان الموت فوق دماغي وحسيت ان جسمي تلج واني فعلا بموت وقمت اعيط ومن الرعب قعدت ارجع وبعدين حاولت انام كل ما اغمض عيني احس اني مش حاصحي تاني فاقوم اقعد لدرجة اني نمت وانا قاعده من ساعتها وانا تعبانه جدا حاسة في كل لحظة اني حاموت
مش عارفة اعيش طبيعية حالتي بقت صعبة جدا وبقيت مرعوبة علي نفسي خايفة اموت وخايفة من القبر وخايفة من بعد الموت لانه مجهول وبقت تيجي لي احلام وكوابيس فظيعة لدرجة اني وانا في الحلم اقول ده حلم اصحي واضرب نفسي عشان افوق منه
ياريت حد يقول لي ايه اللي عندي وايه علاجة بالله عليكم
ورد النيل 74 ورد النيل 74 images/avatars/lighteffect2.gif فتكات ست الكل Fatakat 346290 الاحساء – مهندسة اسكندرانية عايشة في السعودية