بسم الله الرحمن الرحيم
انا يابنات هاولد لتالت مرة قيصرى لانى والدة قبل كدة مرتين قيصرى المهم انا شايفة البنات هنا خايفين منه وخاصة اللى مجربوش وانا حابة من موقعى هذاااااا انى اطمنكم واطمن نفسى معاكم (لانى مرعوووووووووووووبة ) هههههههههههه ان العملية والله سهلة ومافيهاش حاجة ودة من واقع خبرتى بس بشروووووووووووووط اية هى :
1- انك تكونى طول فترة حملك قريبة من ربنا اة والله انا لاقيت ان دى اهم حاجة انا فى ولادتى الاولانية كانت صعبة جدااااااااااااااااااااا وشوفت الموت بعنيا اصعب الم شوفته ف حياتى كل دة لانى كنت بصلى فرض والتانى لاء كسل يعنى ومش مسكت المصحف خااااااااااااااااالص اما ولادتى التانية الفرض بفرضه ودايمااااااااااا المصحف ف ايدى حتى قبل العملية بدقيقة واحدة والله كانت الحمد لله زى الفل ولا كانى عملت اللوز حتى .
2- كل لما كانت صحتك كويسة مش قلبوظة يعنى لاااااااااااااااااااااء يعنى عندك الكم الكافى من الفيتامينات والمعادن ومفيش انيميا وكمان مناعتك كويسة هاتقومى منها زى الفل ليه بقى عشان بكدة الجرح هايلم بسرعة ومش هايتلوث وانت كمان هايكون جسمك قوى كفاية انه يستحمل عملية كبيرة زى دى .
3- طبعاااااااااااااااا التخدير النصفى باجماع الجميع افضل من الكلى ونكتفى بسبب واحد وهو انه مش خطر ومش بيوصل للجنين بببببس الرك بقى على دكتور التخديييييييييييييير ودة باعتبره اهم واحد فى فريق العملية ليييييييييييييه لانه كل لما يدى الجرعة مظبوطة كل لما تبقى كويسة بعد العملية والمخدر مش يروح منك بسرعة وتعدى اصعب ساعات اللى هى بعد العملية وتبيه تانى اياكى والنسكافية الكتييييييييير ليه بقى انا ف ولادتى الاولى اتبهدلت بهدلة ماعلى حد لييه كان نبض الجنين شبة قرب يختفى وقرروا ادخل عمليات فوررررا ماشى وادونى المخدر انى اتخدر ابداااااااااااااااااا ساعة الا ربع وحالة الجنين ف خطر ويسالونى رجلك نملت ياماما وانا اقول ابداااااااا لغاية مافتكرونى باستهبل راحو بداو العملية وانا رقعت صوووووووووووووت وكنت هاقع من السرير والله العظيييم لغاية ماجم وادونى حقنة مادرتش بحاجة الا وانا والدة بعدها بساعتين وعماله اتلوى من المغص مغص رهييييييييييييييييب بعد العملية اما بقى ف ولادتى التانية حفلت دكتور التخدير وحكيت له ع اللى حصلى وانى اتعذبت بعد واثناء العملية راح قالى طب هاقولك حاجة لو حسيتى بحاجة بعد العملية ادعى علياغ بس لو محستيش ابقى ادعيلى وهو دة اللى حصل والله بقيت ادعيله ربنا يستره ويفرح قلبه لانه كان شاب صغير لانى محستش بحاجة بمعنى الكلمة دة انا كنت مخبية لبوس بروفنيد من ورا المستشفى اطلعه عند اللزوم لانى عارفة اللى بيحصل بس والله ولا طلعته حتى وعرفت ان ظبط جرعة التخدير مهمة جداااااااااااااااااااااااااااااااا ..وتحذير تانى اياااااااااااااااااااااااكى من كتر النسكافية والمنبهات والكولا .
4- تولدى الصبح يعنى بالكتيييييييير الساعة 12 الضهر ليييييييييييييييه ؟؟ عشان تدخلى العمليات وتخرجى واهلك واقفين منتظرينك ويساعدوكى مش واقفين بيناموا على نفسهم والمستشفى تكون بكامل طاقمها لان الليل الدنيا بتكون مريحة وانا بتكلم هنا ع المستشفيات الحكومى لانى ف ولادتى الاولى خرجت من العمليات الساعة 2 بالليل طبعا اهلى عايزين يروحو يناموا وكمان مفيش مرافق بالكل روح وانا بعدها بساعة كنت بموووووووووووووووت وعايزة حد حتى يواسينى بكلمة ماااافيش وحاجة تانية طبعا بتنامى للصبح يعنى بتفوتى حاجة مهمة جدااااااااااا وهى انك تتمشى ودى مهمة جدااااااااااااااااااااااااا عشان الجرح انك تتمشى بعد العملية ب 3 4 ساعات وتمشى صالبة طولك مش منحية بتخليكى تخفى بنسبة 90 % من انك تمشى محنية حتى لو هاتيجى على نفسك شوية وماتنسيش تبقى تحطى ايدك ع الجرح وانت قايمة وتضغطى بسييييييييييط دة هايريحك كتييييييييييييييييييييييير .
5- حاجة اخيرة بقى للى ولدت طفل متوفى او اتوفى اول ماتولد بعد الشر عنكم كلكم ويااااااااااااارب يفرحكم باطفالكم يارب اوعى تزعلى وربنا ان شاء الله هايعوضك وان يموت لك طفل وانت لسة ماخدتيش عليه واتعودتى عليه اسهل ميييييييييييت مرة من اللى عشتى معاه سنين انا ابنى اتوفى وهو 3 سنين ونص هو هو نفسه اللى كان نبضه بدا يتلاشى ودخلت عمليات وانا واكله ومن غير تحاليل عشان يلحقوه ساعات الشيطان يوسوس لى ويقولى مش كان مات ساعتها من غير ماتتعلقى بيه وفعلا كانت هاتبقى اهون بكتتتتتتتتتتتتتتتير من اللى انا فيه دلوقتى بس قضاء اخف من قضاء وربنا شايل لنا الاحسن باذن الله .
ويااارب اكون افدتكم واللى عندها نصيحة تانية يااااااااااااااريت متبخلش علينا بيها لانى بعد اللى قولته دة بردوا هاموت من الخوووووف ههههههههههه
guten morgen guten morgen 653867_2.gif فتكات رائعة Fatakat 653867 العبور – مصر