ازيكم يا احلى اخوات في الدنيا بجد مش عارفه اقولكو المدونة دا بحبه قد ايه
هدخل في الموضوع علطول
انا متجوزه في 1/7/2016 يعني من سنتين و3 شهور
وعندي بنوته سميتها لياااااااان ومحدش يغلط في الاسم لو سمحتو اللام مفتوحه والياء مفتوحه برضو هههههههههههه
ليان عمرها سنه و5 شهور دلوقتي
وجوزي بقى بقاله 3 شهور بيزن عاوزني اجيب بيبي تاني كل شويه يقوللي مش هنخاوي البنت اقوله لسه بدري لسه بدري
وهو يقوللي لم نجبهم صغيرين ويتربو مع بعض احسن
وماما تقوللي اصبري على بنتك لسه صغيره
وحماتي تقوللي عقبال متخاويها يارب
واختي تقوللي انزلي الجيم وعيشي حياتك بقى
وبابا يقوللي كفايه عليكي واحده عشان تعرفي تشتغلي
ونرجع لجوزي كل شويه يقوللي مش هتبطلي الحبوب بقىىىىىىىىىىىىىىىىىىىى
انا بقى شويه ابقى متحمسه واقول خلاص مش هاخد الحبايه انهارضه وفجاه يجي معادها الاقي نفسي جري عليها واقول لسه شويه البنت صغيره
حد يقوللي اعمل ايه انا متردده جدااااااااااااااااااا خايفه احمل واندم
عايزة من كل واحده تدخل تقوللي امتى قررت تخلف تاني وبعد قد ايه من حملها الاول؟
لو عندك طفلين سنهم متقارب ازاي قدرتي توفقي بينهم ؟
هل لو الطفلين مابينهم سنتين او تلاته بتظلمي واحد على حساب التاني ؟
طيب لو خلفتي وابنك الاول مكملش سنتين بيبقى احساسه ايه بالنسبه لاخوه بيحبه ولا بيغير منه ولا بيفكر ياذيه ؟
انا والده قيصري ينفع احمل دلوقتي ولا هيبقى في خطر؟
رجاااااااااااااااااء منكم عايزة اسمع رايكو عشان اقدر اقرر حبيت اسال كل واحده جربت تخلف مره تانيه وايه احساسها كام بتربي طفلين صغيرين وقد ايه اتحملت مسؤليه
معلش طولت عليكيو بس بجد الموضوع دا خاااااااااااااانقني اوي وجوزي مش عايز يضغط عليا سايبني براحتي لم اقرر خايفه يجي يوم تقفل معاه بقى ويرفض اني اخد الحبوب
نسمه أيمن نسمه أيمن images/avatars/pacifier.jpg فتكات رائعة Fatakat 741087 اسكندريه – مصر