ازيكم يا احلى فتوكات
امممممم جايبالكم بقى كوبايه حمص الشام انما ايه جونان الجونان وتدفى السقعان والبردان اتجننت وبقول شعر فى الحمص ههههههه
انتو عارفين ان اليومين دول الجو برد بقى وبنحب نستغل الفرصه ونضرب حاجات سخنه بقى سحلب كاكو او حمص الشام اممممم ونقعد تحت البطانيه بقى
فقولت اعمل حمص الشام واقولكم على طريقتى السهله خااااااااالص
كوبايه حمص بصله 3فصوص ثوم مقطعين شرايح رفيعه حبه طمام واحده مقطعه
كوب عصير طماط مضروب ومتصفى وعليه معلقه صلصه
ليمون ملح وكمون وشطه (اختيارى)
بصى يافتوكه منك ليها هتعملى اول حاجه انك تكونى نقعه الحمص قبلها بيوم
يعنى انا قبل مااروح انام جبت كوبايه الحمص وحطيت عليها مايه ونقعتها
الخطوه دى مهمه لانها بتسهل وقت كتيييييير فى ان الحمص يستوى اسرع
وده شكل الحمص بعد ما اتنقع بليل شوفتو الحبايه نفشت ازاى
وبعدين كنت مقطعه طمطايه وبصلايه و3 فصوص ثوم
وكمان ضربت عصير طماطميتين وصفيتهم وحطيت عليهم معلقه صلصه
اممممم وبعد كده جبت حله ومليت مايه وحطيت فيها الحمص بعد ماصفيته من مايه النقع
وسيبته يغلى على النار شويه قبل ما احط الطماطم والبصل والتوم وطبعا ناخد بالنا علشان الحمص مش يتهرى لاننا عاملين حسابنا انو كان منقوع قبلها
وبعد كده حطيت عليهم الطماطم والبصل والثوم
وسيبتهم على النار يهرو وينكتو ف بعض هههههههههههههههه
لحد ما استو
وبعد لما استو قومت حطيت كوبايه عصير الطماطم اللى فوق دى تاخد غلوتين كده حلوين
وده شكله بعد ما اخد غلوتين على النار كده وظبط الملح والكمون ورشه فلفل اسود صغننه كده علشان انا بحب احشره فى كل حاجه
وطبعا شطه اممممم
وخلاويييييييييص كده واشربى احلى كوبايه حلبسه فى الدنيا ههههههههه
يامى يامى امممممم وحطى عليه بقى ليمون وشطه براحتك وبدعى بقى
ودى كوبايه لحبيبتى اللى هتقيم ومش هتكسفنى بقى بعد المجهود ده فى تحميل الصور
مواضيع هذا القسم برعاية
O.o ~~** Tota De Omry ** ~~ O.o O.o ~~** Tota De Omry ** ~~ O.o 909055_86.gif ♠أستغفر الله وآتوب إليه♠ Fatakat 909055 عند برج إيفيل >_< ناحيه إيديك الشمـــــآل كدهــ :3 – فى الدنيـــــــــآ الكبيرهـــــ ^_^